Kolose Cizivukiso
Cizivukiso
Mukanda wa Paulu kuli vaka-Kolose vausonekelele ku cikungulukilo ca ku Kolose, nganda ije yakele mu Asiya Yaindondo mu ngangela ya Efeso. Paulu ikeye washangumukile eci cikungulukilo, oloni cakele mu mutambela uje wamwene Paulu ngeci ukewo unamukundama, omo watumine vaka-kupanga kutunda ku Efeso nganda yakama ya lifuti lya vaLoma mu Asiya. Paulu wazivile ngeci kwakele valongisi vamo va makuli mu cikungulukilo ku Kolose vaje valongesele ngeci nga munu ashaka kuzivuka Njambi nakuwana kwovoka kwamutunu, munu ou napande kulemesa imo “minzinzime ya vaka-kushika na vaka-moko.” Mukuwezelelako, valongisi ava vendekele ngwavo munu napande kwononoka vilika vimo ngeci kutuuka nakwononoka mashiko akama aa vyakulya na vyuma vikwavo lalo.
Paulu alinakusoneka ou mukanda mukuvyana vilongesa evi nakwana muzimbu wa vushunga wa vuka-Yesu. Nsina yakukumbulula kwendi inapu ngeci Yesu Kilistu asa kwana kwovoka kwamutunu, co evi vikulaelo na vilika vikwavo vitundisa vanu kuli ikeye. Njambi watangele kaye ali Yesu Kilistu, co alinakukelwisila kuli ikeye vavenya muli Yesu Kilistu. Kuvanga muli Yesu Kilistu lika mukemwo kaye kali na cinyangavili. Paulu alinakulumbununa vushunga vwa cilongesa eci a myonyo ya vaka-kukulaela. Tunapande kumona ngeci Taikikase ikeye wambatele ou mukanda wa Paulu kuutwala ku Kolose, waile amo na Onesimasi ngamba uje Paulu wasonekelele Filimoni ali ikeye.
Kulumbununa vyuma vili mu mukanda
Cizivukiso 1:1-8
Cifwa na vipangi vya Kilistu 1:9–2:19
Mwonyo wauha muli Kilistu 2:20–4:6
Mamaneselelo 4:7-8
Currently Selected:
Kolose Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006