Kolose 2
2
1Njishaka ngwange muzivuke vati njapangele na nzili omwo yeni na omwo vanu va mu Laondisiya na kuli voshe vaje kanda vacinjimone. 2Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.#2:2 CISIN̄IKO CA NJAMBI, CIKECO CINAPU KILISTU VAVENYA: Kunungulula kumo ngwavo, cisin̄iko ca Njambi, nambe, cisin̄iko ca Njambi Ishe ya Kilistu, nambe, cisin̄iko ca Njambi na Tatetu, neci ca Kilistu. 3Ikeye wapwa sapi yakusholola vufuko vwa Njambi vwakushweka vwa mana na kuzivisisa.
4Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati. 5Omwo nambe yange kunjesi neni amo mu muvila, oloni njili neni mu munzinzime, co yange njilinakujolela mukumona cizango ceni cakwimana amolika mukukulaela kweni muli Kilistu.
Kuyoya kwakushula muli Kilistu
6Ngwe omo munatambula Kilistu Yesu kupwa Mwene, co yoyeni muli ikeye. 7Mizi yeni ishalave manene muli ikeye, tungileni myonyo yeni ali ikeye, co pweni vaka-nzili manene mukukulaela kweni, ngwe muje muvamilongesele. Co shuleni nakukandelela.
8Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu. 9Omwo kushula kwa vu Njambi vwoshe vwakala muli Yesu, mu vunu vwendi, 10co akukala muli ikeye, yeni vanamyana kushula kwa mwonyo. Ikeye napu mutwe wa minzinzime yoshe ije ilinakushwana na vaka-moko yoshe.
11Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou. 12#Lom 6:4 Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa. 13#Efe 2:1-5 A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe, 14#Efe 2:15 watundisile cishimbikiya ca makongo etu na mshiko aco, co wacitundisile akucishukika a cilindakano. 15Co a cilindakano cije Kilistu walipatwile ikeye vavenya kutunda ku nzili ya minzinzime ije ilinakushwana na moko ya vaka-kushika,#2:15 KILISTU WALIPATWILE IKEYE VAVENYA KUTUNDA KU NZILI YA MINZINZIME IJE ILINAKUSHWANA NA MOKO YA VAKA-KUSHIKA: Nambe, minzinzime ije ilinakushwana na moko ya vaka-kushika nzili yavo Kilistu wavashulwileyo. walingile eci mutanya mwelu kuli vakevo akuvatwamenena ngwe vinzinda mukuhyana kwendi.
16 #
Lom 14:1-6
Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima. 17Vyuma vyoshe evi vinapu munzinze wa vyuma vikasholoka kulutwe, oloni cuma mpundu cinapu Kilistu. 18Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu, 19#Efe 4:16 co vanalikela kukakateya kuli Kilistu, uje napu mutwe wa muvila. Ali Kilistu muvila woshe vanaulisa nakuukwatesa amolika omwo a manunga na mishisha, co ulinakukola ngwe muje Njambi ashaka ngeci ukolelemo.
Kutsa nakuyoya muli Kilistu
20Yeni munatsi amo na Kilistu, co vanamipatula kutunda ku minzinzime ije ilinakushwana ano a kaye. Ngecivene, omwo vikajo mulinakuyoya ngwe mwakundama ku kaye kano? Omwo vikajo mucili nakwononoka ku mashiko a cifwa cangacije ngwavo, 21“Kesi mukwate cuma eci” “Kesi mumakele cuma cije,” “Kesi mukwateko vyeka”? 22Vyuma vyoshe evi vilumbununa vyuma vije vipwa vyakujeneka seo anima yakuvipangesa, vinapu lika mashiko na vilongesa vya vanu. 23Mwa vushunga vene, mashiko awa asholoka kupwa akukundama a mana mukusindiya kwavo kwakulemesa tungelo nakulilumbilisa kwa makuli nakuyandesa mivila manene, oloni akewo kuwesi na seo mukuvindika mashungu a ku muvila.
Currently Selected:
Kolose 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006