Kolose 3
3
1 #
Mya 110:1
Nga munanguka amo na Kilistu, ngecivene, shakezekeni vyuma vije vili mwilu, kuje Kilistu natumbama a litanda lyendi ku livoko lya cilyo lya Njambi. 2Akeni vimbunge vyeni ku vyuma vije vili mwilu, kesi ku vyuma vije vili ano asi embwe. 3Omwo yeni mwatsile, co myonyo yeni vanaishweke amo na Kilistu muli Njambi. 4Co mwonyo weni mwa vushunga unapu Kilistu, co omo ikeye akasholola, asinoni neni lalo mukasholoka amo nendi mu vumpau!
Mwonyo walaja nou wauha
5Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya). 6Omwo a vyuma vya cifwa cangacije vukalu vwa Njambi vukashuluka ali vaje kuvesi kumwononoka.#3:6 ALI VAJE KUVESI KUMWONONOKA: Kunungulula kumo majwi awa, ali vaje kuvesi kumwononoka, aimo. 7Co yeni lalo ku simbu imo mwayoyele mu mashungu a cifwa cangacije, omo mwonyo weni wakele mwisi ya nzili yawo.
8Oloni ololo munapande kumbila kuti vyuma vyoshe evi, kutenuka, mashungu amavi, na cizindo cacivi. Mu tunwa tweni kumwapandele kutuuka majwi amavi, nambe kutuka. 9#Efe 4:22 Kesi mwendeke makuli ku umo na mukwavo, omwo yeni munashulula kuyoya kwa vunu vwalaja amo na vilinga vyavwo, 10#Kus 1:26; Efe 4:24 co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka. 11Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.
12 #
Efe 4:2
Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya. 13#Efe 4:32 Pweni vaka-kulimanena umo na mukwavo, co lisambeseni umo na mukwavo nga umo weni alinakulinyenga ali mukwavo. Munapande kulisambesa umo na mukwavo ngwe mwanamisambesa Mwene. 14Co ku vyoshe evi wezeleleniko cizemo, cije cikakutila vyuma vyoshe amolika mu vumo vwavuvwa. 15Kwoloka kwa Kilistu kushwane mu vimbunge vyeni, omwo Njambi wamisanene amolika mu muvila umolika. Co kandeleleniko. 16#Efe 5:19-20 Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni. 17Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.
Kulitombola mu mwonyo wauha
18 #
Efe 5:22; 1 Pet 3:1 Vanakazi, ononokeni kuli vanalume veni, omwo eci cikeco munapande kulinga akupwa vaka-Yesu.
19 #
Efe 5:25; 1 Pet 3:7 Vanalume, zemeni vanakazi veni, co kesi mutenuke.
20 #
Efe 6:1
Vanike, ononokeni kuli visemi veni, omwo eci cikeco cikavwaelelesa Njambi.
21 #
Efe 6:4 Visemi, kesi mushangumune vana veni, kutewa vaombwa.
22 #
Efe 6:5-8
Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene. 23Vyoshe mupanga, vipangeni na mbunge yeni yoshe, ngwe mulinakuvipangela Mwene, kesi vanu. 24Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela. 25#Kwi 10:17; Efe 6:9 Co voshe vaka-kulinga vyavivi vakavafweta ku vyuma vyavivi vije valinakulinga, omwo Njambi akasompa munu na munu mu cifwa cimolika.
Currently Selected:
Kolose 3: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006