Sekaraea 13
13
1?Long datfala de, bae mi openem wanfala gudfala springwata, mekem olketa laen blong Deved an olketa pipol blong Jerusalem save yusim fo kamap klin long ae blong mi from olketa sin blong olketa an olketa narafala samting wea i mekem olketa fo kamap no klin. 2Long datfala de, bae mi tekemaot evri tambu kaving from disfala lan, mekem pipol no save tingim moa olketa nem blong olketa. Bae mi ronem olketa pipol wea i talem dat hemi wanfala profet, wetem olketa pipol hu i laekem tumas fo wosipim olketa tambu kaving. 3An sapos wanfala man hemi gohed fo talem dat mesij blong hem hemi wanfala profesi, dadi an mami blong hem bae tufala tok olsem long hem, ?Yu mas dae, bikos yu talem dat yu wanfala profet, bat yu laea nomoa.? Long sem taem wea hemi gohed fo toktok olsem, dadi an mami blong hem bae tufala kilim hem dae long naef. 4Long datfala de, olketa profet evriwan bae i sem fogud from olketa spesol drim wea hemi lukim. No eniwan long olketa hemi werem raf kaleko blong profet fo trikim pipol, mekem olketa tingse hemi wanfala tru profet.#2 Kings 1:8; Matiu 3:4. 5Bae hemi tok olsem, ?Mi no wanfala profet. Mi man fo gaden nomoa, an hem nao waka blong mi olowe long laef blong mi.? 6An maet wanfala man hemi askem hem olsem, ??Bat mak blong olketa soa ya long sest blong yu,#13:6 “mak blong olketa soa ya long sest blong yu” Long datfala taem, samfala laea profet i katem olketa seleva mekem olketa god fo lisin long prea blong olketa. Lukim 1 Kings 18:28. wanem hemi mekem olketa?? Sapos olsem, bae hemi laea olsem, ?Olketa mak ya, mi garem long haos blong olketa fren blong mi.??
Man fo lukaftarem sipsip bae hemi dae an olketa sipsip bae i go olobaot
7Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.#Matiu 26:31; Mak 14:27. 8Evriwea long disfala lan, sapos hemi garem trifala man, bae tufala dae, an wanfala nomoa hemi save stap laef. 9An olketa hu i stap laef yet, bae mi mekem olketa evriwan fo safa, mekem olketa save kamap klin long ae blong mi. Bae hemi olsem wea man hemi bonem silva an gol long faea fo aotem ravis blong hem.#Sam 66:10; Provebs 17:3; Aesaea 1:25; 48:10; Jeremaea 9:7; Esikiel 22:17-22; Malakae 3:3. Den bae olketa prea kam long mi, bae mi save herem olketa. An bae mi tok olsem, ?Olketa ya i spesol pipol blong mi.? An bae olketa tok olsem, ?Yawe hemi God blong mifala.??
Currently Selected:
Sekaraea 13: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.