Salāmo 75
75
O le Fa‘afetai ma le Vivi‘i i le Atua
Ma le usu pese. Ne‘i e fa‘aumatia. O le salāmo a Asafo, o le pese lea
1Le Atua e,
matou te vivi‘i ‘iā te oe;
matou te vivi‘i lava;
auā ‘ua latalata mai lou suafa;
‘ua ta‘uatua ou vāvega.
2Pe a ‘ou o‘o i ona po na tu‘u ai,#Sala 102.13; Tani 8.19; Sapa 2.3
‘ona a‘u fa‘amasino tonu lea e a‘u.
3‘Ua liu suāvai le lalolagi ‘atoa ma i latou uma ‘ua nonofo ai;#1 Samu 2.8; Isai 24.9
o a‘u nei ‘ou te fa‘atumauina ona pou tu. Selā.
4Na ‘ou fa‘apea atu i ē ‘ua vālelea,
“‘Aua tou te amio fa‘avalea;”
na ‘ou fai atu fo‘i i ē amio leaga,
“‘Aua tou te fa‘amaualugaina lo ‘outou nifo;
5‘aua tou te matuā fa‘amaualuga lo ‘outou nifo;
‘aua tou te tautalatala ma le ua ma‘a‘a.”
6Auā e lē o sasa‘e po o sisifo,
po o le vao e i ai mauga,
7a o le Atua na te fa‘amasinoina,#1 Samu 2.7; Sala 50.6; Tani 2.21; Luka 1.52
o ia na te fa‘amaulaloina le tasi,
o ia fo‘i na te fa‘aeaina i luga le tasi.
8Auā o lo‘o i le ‘a‘ao o le ALI‘I le ipu,#Iopu 21.20; Sala 73.10; Iere 25.15; Fa‘aa 14.10
‘ua mūmū fo‘i le uaina; ‘ua tumu i le uaina filogia;
e liligiina atu fo‘i e ia a‘i lenei lava ipu;
a o ona ‘alu, e taulia,
e fa‘ainu a‘i o ē amio leaga uma i le lalolagi.
9A o a‘u, ‘ou te ta‘u atu e fa‘avavau;
‘ou te fai pesega lava i le Atua o Iakopo.
10O nifo uma fo‘i o ē amio leaga,#1 Samu 2.1; Sala 89.17; Iere 48.25
‘ou te vavae‘eseina ia;
‘ae fa‘amaualugaina nifo o lē amiotonu.
Currently Selected:
Salāmo 75: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
