Salāmo 52
52
O le Amio Leaga a Toeka ma lona Malaia
Ma le usu pese. O le salāmo a Tavita e a‘oa‘o ai, ‘ina ‘ua alu Toeka le Etoma ma ta‘u atu ‘iā Saulo, ‘ua fa‘apea atu ‘iā te ia, “‘Ua alu atu Tavita i le fale o Aimeleka.”
1O oe na le toa,#1 Samu 22.9-10
se a le mea ‘e te mitamita ai i le leaga?
o lo‘o agalelei le Atua i aso uma lava.
2‘Ua mafaufau lou laulaufaiva i mea leaga;
e fai le pepelo e pei o se tafi ma‘ai.
3‘Ua sili lou mana‘o i le leaga,#Iere 9.4-5
‘ae itiiti i le lelei;
‘ua sili lou mana‘o i le tala pepelo,
‘ae itiiti i le ‘upu tonu. Selā.
4Le laulaufaiva fa‘a‘ole‘ole e,
‘ua e mana‘o i ‘upu uma e fano ai.
5O lea e fa‘aumatia ai oe e fa‘avavau e le Atua;#Sala 27.13; Fa‘ata 2.22
na te ‘ave‘eseina ma lia‘iina oe a‘i le fale ‘ie;
na te lia‘iina fo‘i oe a‘i le nu‘u o ē ola. Selā.
6E iloa atu ai fo‘i ē ‘ua amiotonu, ma latou matata‘u ai,#Iopu 22.19; Sala 40.3
latou te featani ai ‘iā te ia;
7o fa‘apea atu, “Fa‘auta, o le tagata lea na na lē faia le Atua mōna malosi,#Iopu 31.24-25; Sala 49.6
a ‘ua fa‘atuatua ia i le tele o lona ‘oloa;
na ia fa‘amalosi i lona leaga.”
8A o a‘u, ‘ou te pei o se olive ona tauluulu ola#Sala 92.12-13; 128.3; Iere 11.16
i le fale o le Atua;
‘ou te fa‘atuatua i le alofa o le Atua,
e fa‘avavau fa‘avavau lava.
9‘Ou te vivi‘i atu ‘iā te oe e fa‘avavau lava,#Sala 54.6
auā na e faia lenā mea;
‘ou te fa‘atalitali fo‘i i lou suafa,
auā e lelei i luma o ou tagata amio Atua.
Currently Selected:
Salāmo 52: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
