Salāmo 51
51
O le Tatalo a Tavita i le Atua ‘ina ‘ia Fa‘amāgaloina ana Agasala
Ma le usu pese. O le salāmo a Tavita ‘ina ‘ua alu atu le perofeta o Natano ‘iā te ia, ‘ina ‘ua uma ‘ona alu ane o ia ‘iā Patesepa
1Le Atua e,#Sala 106.45; Isai 44.22; Galu 3.19
‘ia e alofa mai ‘iā te a‘u,
e tusa ma lou lava alofa;
e tusa ma le tele o lou alofa mutimutivale
‘ia e sōloi‘esea ‘ou solitulafono.
2‘Ia e matuā fufulu mai ‘iā te a‘u i la‘u amio leaga,#Iere 4.14; Galu 22.16; Epe 9.14; 1 Ioane 1.7
ma ‘ia e fa‘amamā mai ‘iā te a‘u i la‘u agasala.
3Auā ‘ua ‘ou iloa e a‘u lo‘u solitulafono;
e lē aunoa fo‘i ‘ona i ai i o‘u luma o la‘u agasala.
4‘Ua ‘ou agasala atu ‘iā te oe na o oe lava;#Roma 3.4; Kene 39.9; 2 Samu 12.13; Luka 15.18, 21
‘ua ‘ou faia fo‘i lenei mea leaga i ou luma;
e tonu ai oe i lau fetalaiga,
e sa‘o fo‘i oe pe a e fa‘amasino.
5Fa‘auta, na fānaua a‘u ma le amio leaga;#Iopu 15.14; Roma 5.12
na ‘ou i ai fo‘i i le manava o lo‘u tinā ma le agasala.
6Fa‘auta, ‘ua e finagalo i le fa‘amaoni o le loto;#Iopu 38.36
ma e fa‘ailoa mai ‘iā te a‘u le poto i le mea lilo.
7‘Ia e fa‘amamā ‘iā te a‘u, i le isopo,#Levi 14.4, 6-7; Sala 51.2; Isai 1.16, 18
‘ona mamā ai lea o a‘u;
‘ia e fufulu mai ‘iā te a‘u,
‘ona sinasina ai lea o a‘u e sili i lo le kiona.
8‘Ia ‘ou fa‘alogo mai ‘iā te oe i le ‘oli‘oli ma le fiafia;
‘ina ‘ia fiafia ivi ‘ua e fa‘amomomoina.
9‘Ia ‘alo ou fofoga i a‘u agasala,#Sala 51.1; Iere 16.17
ma ‘ia e sōloi ‘ese a‘u amio leaga uma.
10Le Atua e, ‘ia e faia se loto mamā mo a‘u;#1 Samu 9.10; Sala 24.4; Iere 24.7; Eseki 36.26
ma ‘ia e fa‘afouina se loto mau i totonu ‘iā te a‘u.
11‘Aua ‘e te lafoa‘iina a‘u i ou luma;#Kene 4.14; 2 Tu 13.23; 17.7; Eseki 36.27
‘aua fo‘i ‘e te ‘ave‘eseina lou Agaga Pa‘ia ‘iā te a‘u.
12‘Ia e fa‘afoisia mai ‘iā te a‘u le ‘oli‘oli o le olataga mai ‘iā te oe;
‘ia e tāofimauina fo‘i o a‘u ma le loto fiafia.
13‘Ou te a‘oa‘o atu ai ou ala i ē ‘ua solitulafono,#Luka 22.32
‘ona fa‘aliliuina atu ai lea ‘iā te oe o ē ‘ua agasala.
14Le Atua e,#2 Samu 11.17; 12.9; Sala 24.5; 71.15
le Atua o lo‘u olataga,
‘ia e lavea‘i mai ‘iā te a‘u a‘i le sala o le toto;
‘ona pese fiafia ai lea o lo‘u laulaufaiva
i lē amiotonu mai ‘iā te oe.
15Le ALI‘I e,
‘ia e fa‘amatala mai o‘u laugutu;
‘ona ta‘uta‘u atu lea e lo‘u gutu lou vi‘iga.
16Auā ‘ua e lē finagalo i se taulaga;
ana e finagalo i ai po ‘ua ‘ou avatu lava;
‘ua e lē fiafia i se taulaga mū.
17O taulaga i le Atua, o le loto momomo lea;#Sala 34.18
le Atua e, ‘e te lē ‘inosia le loto momomo ma le nutimomoia.
18‘Ia e fa‘amanuia mai i Siona i lou finagalo alofa;
‘ia e ati a‘e le pā o Ierusalema.
19‘Ona e finagalo ai lea i taulaga tonu,#Teu 33.10; Sala 4.5; Mala 3.3
o le taulaga mū ma le taulaga mū uma
‘ona latou fa‘ae‘e ai lea o povi po‘a i lau fatafaitaulaga.
Currently Selected:
Salāmo 51: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
