Salāmo 53
53
‘Ua Fa‘amatalaina le Amioga a Tagata Amio Leaga
Ma le usu pese i le ma‘alata. O le salāmo a Tavita e a‘oa‘o ai
(Sala 14)
1‘Ua fai ifo le tagata valea i lona loto,#Roma 3.10-12
“E leai se Atua.”
‘Ua leaga lava i latou,
‘ua ‘inosia a latou amioga,
e leai lava se tasi ‘ua amio lelei.
2Na silasila mai le Atua mai le lagi#Sala 19.3; Sala 102.19
i le fānau a tagata,
‘ina ‘ia silafia pe i ai se tasi ‘ua poto,
o sē na te sā‘ilia le Atua.
3‘Ua latou ta‘itasi ma fo‘i i tua,
‘ua leaga fa‘atasi lava i latou;
e leai se tasi ‘ua amio lelei,
e leai lava se tasi.
4E lē o iloa ‘ea o ē fai amioleaga?#Sala 79.6; Isai 1.3; 64.7; Iere 4.22; 10.25; Hose 7.7; Mika 3.3
‘ua latou ‘a‘ai i lo‘u nu‘u,
e pei ‘ona latou ‘a‘ai i le mea e ‘ai;
‘ua latou lē vala‘au i le Atua.
5‘Ua latou matuā matata‘u#Levi 26.36; Sala 141.7; Fa‘ata 28.1
i lea mea sa leai se mea e matata‘u ai.
Auā na fa‘ata‘ape‘apeina e le Atua o ivi,
o lē na tolauapi mai ‘iā te oe;
na fa‘amāina i latou,
auā ‘ua ‘ino‘ino le Atua ‘iā te i latou.
6E! fia iloa sē na te ‘aumaia#Sala 85.1; Eseki 39.25; Hose 6.11; Ioe 3.1
le olataga o Isaraelu mai Siona.
Pe a fa‘afoisia mai e le Atua le tāfeaga o lona nu‘u,
‘ona ‘oli‘oli ai lea o Iakopo, e fiafia ai Isaraelu.
Currently Selected:
Salāmo 53: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
