Salāmo 45
45
O le Vi‘iga i le Tupu
Ma le usu pese i le susana. Ma le fānauga a Koru. O le salāmo e a‘oa‘o ai. O le pese i le alofa
1‘Ua puna mai lo‘u loto i ‘upu lelei;
‘ou te tautala atu i mea ‘ua ‘ou faia i le Tupu;
o lo‘u laulaufaiva o le peni lea a le tusi‘upu lima vave.
2‘Ua sili lava lou ‘aulelei i atali‘i o tagata;#Isai 61.1; Luka 4.22
‘ua masa‘a ifo i ou laufofoga ‘upu alofa;
o le mea lea e fa‘amanuia ai oe e le Atua e fa‘avavau.
3‘Inā fusi ia lau pelu i lou vae, o oe na le toa,#Sala 21.5; Fa‘aa 1.16; 19.15
o lou vi‘iga ma lou mamalu.
4O lou mamalu fo‘i ‘ia e ti‘eti‘e ai i le manu ma le manuia,
‘ona o le ‘upu moni ma le agamalū ma le amiotonu;
‘ia a‘oa‘oina fo‘i oe e lou ‘a‘ao taumatau i mea e mata‘utia ai.
5E ma‘ama‘ai au ū fanafana;
e pa‘u‘ū ai tagata ‘iā te oe;
e tuia ai loto o ē faia le Tupu mo latou fili.
6Le Atua e,#Epe 1.8-9
o lou nofoāli‘i e fa‘avavau fa‘avavau lava lea;
o le to‘oto‘o o lou mālō, o le to‘oto‘o o le amiotonu lea.
7‘Ua e finagalo i le amiotonu,#1 Tu 1.39; Sala 11.7; Isai 61.1; Galu 10.38
ma ē ‘ino‘ino i le amio leaga;
o le mea lea ‘ua fa‘au‘uina ai oe e le Atua,
o lou Atua lava, i le suāu‘u o le fiafia,
e sili lava i ē tou te fa‘atasi.
8Ou ‘ofu uma lava ‘ua ni muro ma aloe ma kesia,
mai maota nifo o elefane ‘ua latou fa‘afiafia ai ‘iā te oe.
9O lo‘o fa‘atasi o alofafine o tupu,#1 Tu 2.19; 9.28
ma ē ‘ua fa‘apelepeleina e oe;
‘ua tu mai le masiofo i lou itū taumatau
‘ua ‘ofu ia i le auro lelei mai Ofeira.
10‘Inā fa‘afogafoga mai ia, le alofafine e,
ma silasila ma liliu mai ou fofoga;
‘ia e fa‘agalogalo fo‘i i lou nu‘u ma le ‘āiga o lou tamā.
11‘Ona naunau ai lea o le Tupu i lou lālelei;#Isai 54.5
auā o ia lava lou ALI‘I, ‘ia e ifo ‘iā te ia.
12E sau le tama fafine a Turo ma le mea alofa;#Iopu 11.19; Sala 22.29; Fa‘aa 19.7-8
e ole atu ‘iā te oe o ē tamao‘āiga i le nu‘u.
13‘Ua matuā matagofie le alofafine o le Tupu i totonu;
‘ua teuteua lona ‘ofu i le auro.
14E ta‘ita‘iina o ia i le Tupu ma ona ‘ofu lanu ‘ese‘ese;
o ana uō, o taupou o ē mulimuli atu ‘iā te ia,
e ‘aumaia i latou ‘iā te oe.
15E ta‘ita‘iina i latou ma le fiafia ma le ‘oli‘oli;
e ulufale atu i latou i le maota o le Tupu.
16E suia ou tamā i ou alo;#1 Pete 2.9; Fa‘aa 1.6
‘e te tofia i latou e fai ma ali‘i sili i le lalolagi uma.
17‘Ou te ta‘uta‘u atu lou suafa i augatupulaga uma lava;#Mala 1.11
o le mea lea e vivi‘i atu ai tagata ‘iā te oe e fa‘avavau fa‘avavau lava.
Currently Selected:
Salāmo 45: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
