Salāmo 46
46
O le Fa‘atuatua o Tagata o le Atua ‘iā te Ia
Ma le usu pese o le fānauga a Koru. O le pese i alemota
1O le Atua, o lo tatou malu ia ma lo tatou malosi;#Teu 4.7; Sala 14.6
e fai o ia ma fesoasoani silisili i puapuagā.
2O le mea lea tatou te lē fefefe ai,
pe a fa‘aliliuina le lalolagi,
ma lūlūina mauga i totonu o le sami;
3pe a ta‘alili ma sousou ona suāsami,#Sala 93.3; Iere 5.22
ma fa‘agateteina ai mauga i lona maualuga. Selā.
4O le vaitafe, e fa‘afiafia ona magāvai i le ‘a‘ai a le Atua,#Sala 36.8; Isai 33.21; 60.14; Epe 12.22; Fa‘aa 22.1-2
o le mea pa‘ia, o i ai afio‘aga o lē Silisili‘ese.
5O lo‘o i totonu ‘iā te ia le Atua,#Teu 23.14; Eseki 43.7; Saka 8.3
e lē fa‘agae‘etia lava ia,
e fesoasoani le Atua ‘iā te ia i le vave ao.
6‘Ua vāvāō nu‘u ‘ese, ‘ua fa‘agae‘etia mālō;#Sala 2.1; Ioe 3.16; Amo 9.5
‘ua tulei mai lona si‘ufofoga,
‘ona liu suāvai lea o le lalolagi.
7‘Ua ‘iā te i tatou le ALI‘I o ‘au;#Sala 48.3
o le Atua o Iakopo o lo tatou ‘olo maualuga ia. Selā.
8‘Inā ō mai ia, ‘inā va‘ava‘ai i galuega a le ALI‘I,
o lē ‘ua faia fa‘atafunaga i le lalolagi.
9‘Ua fa‘ai‘ua e ia o tau‘a e o‘o lava i tulu‘iga o le lalolagi;#1 Samu 2.4; Sala 76.3; Isai 2.4; Mika 4.3
‘ua gagau e ia le ‘aufana ma vavae le tao;
‘ua susunuina fo‘i e ia kariota i le afi.
10“‘Inā sōia ma ‘ia ‘outou iloa o a‘u lava o le Atua;#Eso 14.13; Isai 2.11
e vi‘ia a‘u i nu‘u ‘ese, e vi‘ia a‘u i le lalolagi.”
11‘Ua ‘iā te i tatou le ALI‘I o ‘au,
o le Atua o Iakopo, o lo tatou ‘olo maualuga ia. Selā.
Currently Selected:
Salāmo 46: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
