Salāmo 39
39
O Mafaufauga a Tavita i le Pu‘upu‘u ma le Fa‘atauva‘a o le Olaga Nei
Ma le usu pese o Iutana. O le salāmo a Tavita
1Na ‘ou fa‘apea,#1 Tu 2.4; Iopu 2.10; Sala 34.13; Fa‘ata 4.26-27
“‘Ou te fa‘aeteete i lo‘u ala,
‘ina ne‘i ‘ou agasala i lo‘u laulaufaiva;
‘ou te fa‘aeteete i lo‘u gutu,
‘ou te tāofiofi a o i o‘u luma tagata amio leaga.”
2Na ‘ou fa‘alologo, ‘ua ‘ou lē gagana;
na ‘ou lē tautala lava i mea lelei;
‘ona fa‘agae‘etia ai lea o lo‘u tigā.
3Sa vevela lava lo‘u loto i totonu ‘iā te a‘u;#Iere 20.9; Luka 24.32
o lo‘u mafaufau fo‘i ‘ua mū a‘i le afi;
‘ona tautala ai lea o lo‘u laulaufaiva.
4“Le ALI‘I e,
‘ia e fa‘ailoa mai ‘iā te a‘u lo‘u i‘uga,
pe se a fo‘i le fua o o‘u aso;
‘ina ‘ia ‘ou iloa pe fia ni aso ‘ua toe ‘iā te a‘u.
5Fa‘auta, ‘ua e faia o‘u aso e pei o le lautele o le alofilima;#Iopu 14.1-2; Sala 62.9; 89.47
o lo‘u olaga fo‘i, ‘ua peiseaī ‘ua leai i ou luma;
e moni, o tagata uma a o malolosi,
e matuā fa‘atauva‘a lava i latou. Selā.
6E moni, o lo‘o sāvavali tagata e peiseaī o se ata;#Iopu 27.16-17; Fai 2.18; Luka 12.20; 1 Kori 7.31; Iako 4.14
e moni, ‘ua fa‘aatuatuvaleina fua lava i latou;
‘ua fa‘afaula‘i o ia le ‘oloa,
‘ae lē iloa e ia po o ai e fa‘apotopotoina ai.
7“O lenei, le ALI‘I e,
se a ‘ea se mea ‘ou te fa‘atalitali i ai?
O lo‘o ‘iā te oe lo‘u lava fa‘amoemoe.
8‘Ia e lavea‘i mai ‘iā te a‘u a‘i ‘ou solitulafono uma;
‘aua ne‘i fa‘alumaina a‘u e le vale.
9‘Ou te fa‘alologo lava a‘u, ‘ou te lē gagana;#2 Samu 16.10; Iopu 2.10; Sala 38.13
auā o oe lava na e faia.
10‘Ia e tāofia lau ta ‘iā te a‘u;
‘ua fa‘aumatia a‘u nei i le sasa mai o lou ‘a‘ao.
11“‘Ae sasa i le tagata i a‘oa‘iga ‘ona o le agasala,#Iopu 13.28; Sala 39.5; 49.14
‘ona e fa‘aumatia ai lea o lona lelei,
e pei o le mogamoga ‘ona atia o le ‘ofu;
e moni, o tagata uma e fa‘atauva‘a lava i latou. Selā.
12“Le ALI‘I e,#Levi 25.23; 1 No 29.15; Sala 102.1
‘ia e fa‘afofoga mai i la‘u tatalo,
ma liliu mai ou fofoga i la‘u ‘alaga;
‘aua ne‘i e lē tali mai i la‘u tagi;
auā ‘ou te se tagata ‘ese a‘u i ou luma ma le āumau,
e pei o o‘u tamā uma lava.
13‘Ia ‘alo ‘ese ou fofoga ‘iā te a‘u,#Iopu 10.20-21; 14.10-12
se‘ia ‘ou mālōlō ane,
manū ‘ou te le‘i alu ‘ese ma ‘ua leai o a‘u.”
Currently Selected:
Salāmo 39: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
