Salāmo 38
38
O le Tatalo a Tavita ‘ina ‘ua Puapuagātia o Ia
O le salāmo a Tavita e fa‘amanatunatu ai
1Le ALI‘I e,
‘aua ‘e te a‘oa‘i mai ‘iā te a‘u i lou to‘asā;
‘aua fo‘i ‘e te sasa ‘iā te a‘u i lou to‘asā tele.
2Auā ‘ua ō au ū fanafana i totonu ‘iā te a‘u,#Iopu 6.4; Sala 32.4
‘ua mamafa fo‘i lou ‘a‘ao i luga ‘iā te a‘u.
3E leai se itū o lo‘u tino ‘ua sao ‘ona o lou to‘atama‘i;
e leai se filemū i o‘u ivi ‘ona o a‘u agasala.
4Auā ‘ua o‘o lava a‘u agasala i luga o lo‘u ulu;#Esera 9.6
e pei o se avega mamafa, ‘ua mafatia ai lava a‘u.
5‘Ua elosia ‘ou manu‘a;
‘ua alu a‘e le alou ‘ona o lo‘u valea.
6‘Ua fa‘ano‘uno‘uina a‘u;#Sala 35.14; Isai 21.3
‘ua ‘ou matuā punou lava i lalo;
‘ou te fealua‘i ma le ‘ele‘elea i le aso ‘atoa.
7Auā ‘ua tigāina lo‘u manava i le ma‘i vevela;
e leai se itū o lo‘u tino ‘ua sao.
8‘Ua ‘ou matuā vaivai, ‘ua ‘ou momomo lava;
‘ou te fa‘ataiō ‘ona o le ōi o lo‘u loto.
9Le ALI‘I e,
o lo‘o i ou luma lo‘u mana‘o uma;
e lē lilo fo‘i ‘iā te oe lo‘u mapuitigā.
10‘Ua sapotuvale lo‘u fatu manava,#Sala 6.7
‘ua te‘a lo‘u malosi;
o le malamalama fo‘i sa i o‘u mata,
‘ua lē ‘iā te a‘u lea.
11‘Ua tutū mamao au uō ma a‘u aumea mamae i lo‘u malaia;#Sala 88.18; Mare 15.40; Luka 10.31-32
‘ua tutū mamao fo‘i o i latou matou te tuā‘oi.
12‘Ua fai mailei o ē sā‘ili ‘ia ‘ou oti;
o i latou fo‘i o ē sā‘ili‘ili ‘ia leaga ai a‘u
o lo‘o tautala i mea leaga,
ma mafaufau i mea fa‘a‘ole‘ole i le aso ‘atoa.
13Peita‘i a‘u nei,#Sala 39.2, 9; Isai 53.7; 1 Pete 2.23
‘ua fa‘apei o se tagata tutuli, ‘ua ‘ou lē lagona;
po o sē gūgū, ‘ua lē tautala lona gutu.
14O a‘u fo‘i e pei se tagata ‘ua lē lagona,
e leai fo‘i se ‘upu finau i lona gutu.
15Auā le ALI‘I e,
‘ou te fa‘amoemoe ‘iā te oe;
o oe le ALI‘I e, lo‘u Atua, ‘e te tali mai ai.
16Auā na ‘ou fa‘apea, “Ne‘i latou mitamita mai ‘iā te a‘u;
pe a mapeva lo‘u vae latou te fa‘asausili mai ‘iā te a‘u.”
17Auā o a‘u nei, e toe ‘ina ‘ou pa‘ū#Iere 20.10
‘ua lumana‘i pea ‘iā te a‘u lo‘u tigā.
18Auā ‘ou te ta‘uta‘uina atu la‘u amio leaga;#Sala 32.5; Fa‘ata 28.13; 2 Kori 7.9-10
‘ou te atuatuvale ‘ona o la‘u agasala.
19A ‘ua tagata ola i latou o ē ita mai ‘iā te a‘u,
‘ua malolosi i latou;
‘ua fa‘ato‘ateleina o ē ‘ino‘ino fua mai ‘iā te a‘u.
20O i latou fo‘i o ē taui atu le lelei i le leaga,#Sala 35.12; 3 Ioane 11
‘ua latou fai a‘u mo latou fili, auā ‘ou te tausisi i mea lelei.
21Le ALI‘I e,
‘aua ne‘i e tu‘una mai a‘u.
Lo‘u Atua e,
‘aua ‘e te vāvāmamao ma a‘u.
22Le ALI‘I e, lo‘u fa‘aolataga,#Eso 15.2; Sala 40.13; Isai 12.2
‘ia e fa‘ata‘alise mai e fesoasoani mai ‘iā te a‘u.
Currently Selected:
Salāmo 38: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
