Salāmo 23
23
‘Ua Fa‘atusaina le ALI‘I i le Leoleo Mamoe
O le salāmo a Tavita
1O le ALI‘I,#Sala 34.9-10; Isai 40.11; Eseki 34.11-12; Ioane 10.11; Epe 13.20; 1 Pete 2.25; 5.4
o lo‘u leoleo mamoe o ia;
e leai se mea ‘ou te mativa ai.
2Na te ‘ave a‘u i le mea e i ai le vao mu‘a ‘ou te ta‘oto ai;#Fa‘aa 7.17; Eseki 34.14; Ioane 10.9
na te ta‘ita‘i ‘iā te a‘u i tafatafa o vai e tafe lemū.
3Na te fa‘afoisia mai lo‘u agaga;#Sala 19.7; 31.3; Isai 49.10; Eseki 20.9; Fa‘aa 7.17
na te ta‘ita‘i ‘iā te a‘u i ala o le amiotonu ‘ona o lona suafa.
4E ui lava ‘ina ‘ou savali i le vanu o le ata o le oti,#Sala 27.1; Isai 8.10; Mika 7.14
‘ou te lē fefe lava i se mea leaga;
auā o oe tā te fa‘atasi ma a‘u;
o lau la‘au ma lou to‘oto‘o
e fa‘amafanafanaina ai a‘u.
5‘E te laulau mai mea i le la‘o‘ai ma a‘u,#2 Samu 17.27-29; Sala 45.7; 78.19; Luka 7.46
i luma o ē ita mai ‘iā te a‘u;
‘ua e fa‘au‘uina lo‘u ulu i le suāu‘u;
‘ua taumasuasua la‘u ipu.
6E moni e mulimuli mai ‘iā te a‘u le agalelei ma le alofa
i aso uma o lo‘u ola;
‘ou te nofo fo‘i i le fale o le ALI‘I
i aso e tele lava.
Currently Selected:
Salāmo 23: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
