Salāmo 22
22
O le Tagi o lē ‘ua Atuatuvale; o le Tatalo ‘ia Lavea‘iina; o le Fa‘afetai i le Atua
Ma le usu pese, i le ‘aila o le taeao. O le salāmo a Tavita
1Lo‘u Atua e, lo‘u Atua e,#Mata 27.46; Mare 15.34; Epe 5.7; Sala 22.11; 38.8
se a ‘ea le mea ‘ua e tu‘ulafoa‘i mai ai ‘iā te a‘u.
E taumamao ma lo‘u fa‘aolataga,
o ‘upu fo‘i o lo‘u fa‘ataiō?
2Lo‘u Atua e,#Sala 88.1
‘ou te vala‘au ‘iā te oe i le ao,
a ‘e te lē fa‘afofogaina mai;
‘atoa fo‘i ma le po, ‘ua ‘ou le mapu lava.
3A o oe, e pa‘ia oe;#Levi 19.2; Sala 80.1; 147.12
o lo‘o e ti‘eti‘e i vi‘iga a Isaraelu.
4Na fa‘atuatua ‘iā te oe o matou tamā;
na latou fa‘atuatua, ‘ua e lavea‘i fo‘i ‘iā te i latou.
5Na latou ‘alalaga atu ‘iā te oe, ‘ona lavea‘iina ai lea o i latou;#Fa‘ama 3.9; Sala 25.2; Roma 9.33
na latou fa‘atuatua ‘iā te oe, ‘ona lē fa‘amāina lea o i latou.
6A o a‘u, o le tuga lava a‘u, ‘ae lē se tagata;
‘ua fa‘alumaina a‘u e tagata ma ‘inosia a‘u e le nu‘u.
7‘Ua fa‘atauemu mai ‘iā te a‘u o i latou uma ‘ua va‘ai mai;#Mata 27.39; Mare 15.29; Luka 23.35; 2 Tu 19.21; Sala 109.25
‘ua fa‘amamaga o latou gutu, ‘ua lialia‘i o latou ulu, ‘ua fa‘apea mai,
8“Na ia fa‘alagolago i le ALI‘I; ‘ia na fa‘aola ‘iā te ia;#Mata 27.43; Mare 1.11; Sala 18.19; 37.5; 91.14
‘ia lavea‘i o ia ‘iā te ia, auā ‘ua na fiafia ‘iā te ia.”
9A o oe, na e ‘aumaia a‘u mai le manava;
o oe na saogalemū ai a‘u ‘ina o ‘ou susu i lo‘u tinā.
10Na tu‘uina atu a‘u ‘iā te oe talu lo‘u fānau mai;#Isai 49.15; Kala 1.15
o oe lava lo‘u Atua talu ‘ina ‘ou i le manava o lo‘u tinā.
11‘Aua ne‘i e taumamao ‘iā te a‘u,
auā ‘ua latalata mai le puapuagā;
auā e leai sē fesoasoani mai.
12‘Ua si‘osi‘omia a‘u e povi po‘a e tele;
o ē malolosi i Vasana ‘ua vagavagai mai ‘iā te a‘u.
13‘Ua fa‘amamaga o latou gutu ‘iā te a‘u,#Iopu 16.10; Sala 35.21; 1 Pete 5.8
e pei o le leona ‘ua saei manu ma ‘ua tagi.
14‘Ua sasa‘aina a‘u e pei o le suāvai,#Iosu 2.11; Nau 2.10
‘ua se‘e o‘u ivi uma;
o lo‘u loto ‘ua pei o le pulu,
‘ua liu suāvai i totonu o lo‘u manava.
15‘Ua mago lo‘u malosi, e pei o le ta‘egaipu,#Iopu 29.10; Fa‘ata 17.22; Ioane 19.28
ma ‘ua pipi‘i lo‘u laulaufaiva i lo‘u gutu;
‘ua e tu‘uina alu i le ‘ele‘ele o le oti.
16Auā ‘ua si‘osi‘omia a‘u e ulī;#Mare 15.24; Luka 24.40; Ioane 19.23; 20.20, 25
‘ua punitia a‘u e le vao tagata amio leaga;
‘ua tu‘ia e i latou o‘u lima ma o‘u vae.
17‘Ou te mafaia ‘ona faitau o‘u ivi uma;#Mata 27.36; Luka 23.35
o i latou, ‘ua latou va‘ava‘ai mai,
‘ua matamata mai ‘iā te a‘u.
18‘Ua latou tufatufa o‘u ‘ofu mo i latou,#Mata 27.35; Mare 15.24; Luka 23.34; Ioane 19.24
ma latou fai le vili i lo‘u ‘ofu tino.
19A o oe, le ALI‘I e, ‘aua ne‘i e taumamao;
lo‘u malosi e, ‘ia e vave mai e fesoasoani mai ‘iā te a‘u.
20‘Ia e lavea‘i ‘iā te a‘u a‘i le pelu,
‘ia lavea‘iina a‘u ‘ua to‘atasi mai le lima o le ulī.
21‘Ia fa‘aola mai ‘iā te a‘u a‘i le gutu o le leona;#2 Timo 4.17
‘ua e fa‘afofoga mai ‘iā te a‘u mai nifo o rema.
22‘Ou te ta‘u atu lou suafa i o‘u uso;#Mata 28.10; Ioane 17.6; 20.17; Epe 2.12
‘ou te vivi‘i atu ‘iā te oe i totonu o le fa‘apotopotoga.
23O ‘outou o ē matata‘u i le ALI‘I,
‘inā vivi‘i atu ia ‘iā te ia.
O ‘outou o le fānauga uma a Iakopo, ‘inā vivi‘i atu ia ‘iā te ia.
O ‘outou o le fānauga uma a Isaraelu, ‘ia ‘outou fefefe ‘iā te ia.
24Auā e lē ta‘ufa‘atauva‘a o ia,#Sala 10.1; 13.1; Epe 5.7
e lē ‘ino‘ino fo‘i o ia i le puapuagā o lē ‘ua puapuagātia;
e lē liliu ‘ese fo‘i e ia ona fofoga ‘iā te ia;
na tagi atu o ia ‘iā te ia, ‘ona fa‘afofoga mai ai lea o ia.
25‘Ou te vivi‘i lava ‘iā te oe i totonu o le fa‘apotopotoga tele;#Sala 66.13; Iona 2.9
‘ou te avatua fo‘i ‘iā te ia i luma o ē matata‘u ‘iā te ia o mea na ‘ou tautō ai.
26E ‘a‘ai o ē matitiva ma latou mā‘o‘ona ai;
e vivi‘i atu i le ALI‘I ē ‘ua sā‘ili‘ili ‘iā te ia;
e fa‘alototeleina ‘outou e fa‘avavau.
27E mānatunatu ifo ma liliu mai i le ALI‘I o tulu‘iga uma lava o le lalolagi;#Sala 2.8; 67.7; 96.7
e ifo atu fo‘i i ou luma ‘āiga uma o nu‘u ‘ese.
28Auā o lo‘o i le ALI‘I le mālō,#Sala 47.8; Ope 21; Saka 14.9
o lo‘o pule o ia i nu‘u ‘ese.
29E ‘a‘ai ma ifo ‘iā te ia ‘atoa uma o ē puputa i le lalolagi;
e punonou i ona luma ‘atoa uma o ē ō ifo i le ‘ele‘ele,
‘atoa ma lē ‘ua lē fa‘aola o ia ‘iā te ia.
30E ‘au‘auna ‘iā te ia le fānau;#Sala 71.18; 78.6
e ta‘ua i latou e fai ma tupulaga mo le Ali‘i.
31E ō mai i latou ma latou fa‘aali lana amiotonu,
i le nu‘u o le a fānau mai:
Na faia lava e ia.
Currently Selected:
Salāmo 22: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
