Salāmo 24
24
O le Atua o le Pule Aoao ia i le Lalolagi
O le salāmo a Tavita
1O le lalolagi ma mea ‘ua tumu ai o a le ALI‘I ia;#1 Kori 10.26; Eso 9.29; Iopu 41.11; Sala 50.12; 89.11
o le atu laulau ma ē o nonofo ai.
2Auā o ia lava na fa‘avaeina ai i luga o le sami,#Sala 136.6; Fa‘ata 8.29
ma fa‘amau ai i luga o vaitafe.
3O ai ‘ea se alu a‘e i le mauga o le ALI‘I?#24.3 mauga o le Ali‘i: O le mauga i Ierusalema lea na fausia ai le Malumalu.
O ai sē tumau i lona afio‘aga pa‘ia?
4O lē ‘ua i ai lima mamā, ma le loto mamā;#Mata 5.8; Iopu 22.30; Sala 73.1; 119.37
o lē ‘ua lē naunau lona loto i le mea fa‘atauva‘a,
ma ‘ua lē tautō fa‘a‘ole‘ole.
5Na te maua le manuia mai i le ALI‘I,#Kene 22.17-18; Sala 27.9; 51.14; Isai 46.13
ma le amiotonu mai le Atua o lona fa‘aolataga.
6O le tupulaga lenā e sā‘ili‘ili ‘iā te ia,
o ē sā‘ili i fofoga o le Atua o Iakopo. Selā.
7‘Inā fa‘aea ia i luga o ‘outou ulu, ‘outou faitoto‘a e;#Sala 118.19-20; 1 Kori 2.8
‘ia fa‘aeaina i luga o ‘outou puipui o le fa‘avavau e,
se‘i ulu atu ai le Tupu mamalu.
8O ai ‘ea lenei Tupu mamalu?#Eso 15.3
O le ALI‘I, le malosi ma le fitafita,
o le ALI‘I le fitafita i le tau‘a.
9‘Inā fa‘aea ia i luga o ‘outou ulu, ‘outou faitoto‘a e;
‘ia fa‘aeaina i luga o ‘outou puipui o le fa‘avavau e,
se‘i ulu atu ai le Tupu mamalu.
10O ai ‘ea lenei Tupu mamalu?
O le ALI‘I o ‘au,
o ia lava le tupu mamalu. Selā.
Currently Selected:
Salāmo 24: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
