Salāmo 21
21
O le Salāmo e Fa‘afetai ai i le Manuia ‘ua Maua
Ma le usu pese. O le salāmo a Tavita
1Le ALI‘I e,#Sala 28.7-8
e ‘oli‘oli le tupu i lou malosi;
e matuā fiafia lava ia i lau fa‘aolataga.
2‘Ua e foa‘iina ‘iā te ia le mana‘o o lona loto;
‘ua e lē fa‘afiti fo‘i ‘iā te ia le mea na ole atu ai ona laugutu. Selā.
3Auā ‘ua tomua mai ‘iā te ia le manuia silisili mai ‘iā te oe;#1 No 20.2
‘ua e fa‘ae‘e i lona ao le paleali‘i auro lelei.
4Na ia fa‘atogaina atu ‘iā te oe ‘ina ‘ia ola,#2 Samu 7.19; Sala 61.6
‘ona e foa‘iina mai ai lea ‘iā te ia
o le ola tulu‘i e fa‘avavau fa‘avavau lava.
5‘Ua tele lava lona mamalu i lau fa‘aolataga;
‘ua e fa‘ae‘etia i ona luga le vi‘iga ma le matagofie.
6Auā ‘ua e tu‘uina ‘iā te ia le manuia e o‘o i le fa‘avavau;#Sala 16.11
‘ua e fa‘a‘oli‘oliina o ia i le fiafia i ou luma.
7Auā ‘ua fa‘atuatua le tupu i le ALI‘I;#Sala 16.8; 91.2
‘ona o le alofa o lē Silisili‘ese e lē fa‘agae‘etia ai o ia.
8E maua o lou ‘a‘ao o i latou uma o ē ita ‘iā te oe;
e maua lava e lou ‘a‘ao taumatau o ē ‘ino‘ino ‘iā te oe.
9‘E te faia i latou e pei o le umu ‘a‘asa i ona po o lou to‘asā;#Sala 50.3; Isai 26.11; Mala 4.1
e fa‘aumatia i latou e le ALI‘I i lona to‘asā,
e fa‘aumatia i latou i le afi.
10E fano lava ‘iā te oe o latou gafa a‘i le lalolagi,#1 Tu 13.34; Sala 37.28; Isai 14.20
ma a latou fānau e fano ia nai le fānau a tagata.
11Auā na latou manatu i se mea leaga ‘ia o‘o ‘iā te oe;
‘ua latou mafaufau i se togafiti leaga,
‘ae latou te lē mafaia.
12Auā ‘e te fa‘aliutuaina mai i latou,#Sala 11.2; 18.40
‘e te saunia au fu‘a e fana atu ai ‘iā te i latou.
13Le ALI‘I e,
‘ia fa‘asilisiliina oe i lou malosi;
matou te pepese ma fai pesega i lou mana.
Currently Selected:
Salāmo 21: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
