Salāmo 20
20
O le Tatalo i le Atua mo le Tupu
Ma le usu pese. O le salāmo a Tavita
1A fa‘afofoga mai le ALI‘I ‘iā te oe i le aso o le puapuagā,#Kene 35.3; Sala 59.1
‘ia fa‘amamaluina oe i le suafa o le Atua o Iakopo.
2‘Ia tu‘uina atu e ia ‘iā te oe o le fesoasoani mai le malumalu,
ma ia lagolagoina oe e ia mai Siona.
3‘Ia manatua e ia au taulaga uma i mea e ‘ai,#Galu 10.4
‘ia talia fo‘i au taulaga mū. Selā.
4‘Ia foa‘iina e ia ‘iā te oe e tusa ma lou lava loto,
ma ‘ia fa‘ataunu‘uina lau pule uma lava.
5Matou te fiafia i lau fa‘aolataga;#1 Samu 17.45; Sala 60.4
o le suafa fo‘i o lo tatou Atua
tatou te si‘i ai i luga o tatou tagāvai;
‘ia fa‘ataunu‘uina e le ALI‘I au tatalo uma lava.
6O lenei, ‘ua ‘ou iloa e fa‘aolaina e le ALI‘I o lē na ia fa‘au‘uina;
e tali mai o ia ‘iā te ia a‘i lona lagi pa‘ia
i le malosi o lona ‘a‘ao taumatau e ola ai.
7O lo‘o ta‘uta‘u nisi i kariota, ma nisi i solofanua;#2 No 32.8; Fa‘ata 21.31; Isai 31.1
a o i tatou ‘ua tatou ta‘uta‘u le suafa o le ALI‘I lo tatou Atua.
8E punonou i latou ma latou pa‘u‘ū;
a o i tatou, tatou te tutū i luga ma tūtūmau.
9Le ALI‘I e,
‘ia e fa‘aola mai;
‘ia fa‘afofoga mai le Tupu ‘iā te i matou
i le aso matou te vala‘au atu ai.
Currently Selected:
Salāmo 20: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
