Salāmo 19
19
‘Ua Vi‘ia le ALI‘I e ana Galuega. E Silisili‘ese le Aogā o lana Afioga
Ma le usu pese. O le salāmo a Tavita
1‘Ua tala mai e le lagi le mamalu o le Atua;#Roma 1.20
‘ua fa‘aalia fo‘i e le vā nimonimo le galuega a ona ‘a‘ao.
2O lo‘o ta‘u atu le ‘upu e le tasi aso i le tasi aso,
o lo‘o fa‘ailoa fo‘i le poto e le tasi po i le tasi po.
3E leai se gagana, e leai fo‘i ni ‘upu,
e lē lagona o latou leo.
4‘Ua o‘o atu lo latou leo#19.4 ‘ua o‘o atu…leo: O nisi fa‘aliliuga; ‘ua o‘o atu la latou fe‘au. i le lalolagi uma lava,
ma a latou ‘upu i tulu‘iga o le atu laulau.
‘Ua na tu‘u i ai le fale ‘ie mo le lā;#Roma 10.18
5o ia fo‘i, e fa‘apei o se fa‘ato‘āfaiavā ‘ua sau mai lona afeafe;#Fa‘ama 5.31
e fiafia o ia e pei o se tagata fitafita e tamo‘e i le ala.
6O lona alu atu, mai le tasi tulu‘iga o le lagi lea,#Fai 1.5
‘ua o‘o fo‘i lana fa‘ata‘amilosaga i le tasi ona tulu‘iga;
e leai fo‘i se mea e lilo i lona vevela.
O le Tulafono a le Ali‘i
7E sa‘o le tulafono a le ALI‘I,#Mata 11.25; 2 Timo 3.15
e fa‘afoisia mai ai le agaga;
e fa‘amaoni poloa‘iga a le ALI‘I,
e fa‘apotoina ai lē ‘ua faigofie.
8E tonu fe‘au a le ALI‘I,#Sala 12.6; 13.3
e fa‘afiafia ai le loto;
e mamā poloa‘iga a le ALI‘I,
e malamalama ai mata.
9E mamā le mata‘u i le ALI‘I,
e tumau e fa‘avavau;
o fa‘amasinoga fo‘i a le ALI‘I
e moni ia ma tonu uma lava.
10E silisili ‘ona lelei i le auro,#Sala 119.103, 127
o le auro e sili ‘ona lelei e tele;
e sili fo‘i ‘ona suamalie i lo le meli,
o le meli ‘ua sisina ifo.
11‘Ua apoapoa‘iina mai ai fo‘i lau ‘au‘auna;
e tele fo‘i le taui pe a tausi i ai.
12O ai ‘ea na te iloa amio sesē?#Iopu 34.32; Sala 90.8; 1 Kori 4.4
‘ia e fa‘amāgalo ‘iā te a‘u i agasala lilo.
13‘Ia e tāofi fo‘i i lau ‘au‘auna i agasala fa‘amaualuga;#Nume 15.30; 1 Samu 25.33, 34, 39; Sala 119.133; Roma 6.12, 14
‘aua ne‘i pule ia ‘iā te a‘u;
‘ona sa‘o ai lea o la‘u amio,
‘ou te lē nofo sala fo‘i i le leaga sili.
14‘Ia malie fo‘i ‘iā te oe ‘upu a lo‘u gutu,#Iopu 19.25
ma mafaufauga o lo‘u loto,
le ALI‘I e, lo‘u papa ma lē na te togiolaina a‘u.
Currently Selected:
Salāmo 19: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
