Salāmo 13
13
‘Ua Tagi atu o Tavita i le Atua
Ma le usu pese. O le salāmo a Tavita
1Le ALI‘I e,#Iopu 12.24; Sala 79.5; 89.46; Isai 59.2
‘e te fa‘agalogalo pea lava ‘iā te a‘u se‘ia afea?
‘E te ‘alo ou fofoga ‘iā te a‘u se‘ia afea?
2‘Ou te filifili a‘u ma le fa‘anoanoa i lo‘u loto i aso uma se‘ia afea?
E fa‘amaualugaina e sili ‘iā te a‘u lē ‘ua ita mai ‘iā te a‘u se‘ia afea?
3Le ALI‘I lo‘u Atua,#1 Samu 14.27; Esera 9.8; Fa‘ata 29.13; Efe 1.18
‘ia e silasila mai ma tali mai ‘iā te a‘u;
‘ia e fa‘amalamalamaina o‘u mata, ne‘i ‘ou moe i le oti;
4ne‘i fai ane lē ‘ua ita mai ‘iā te a‘u,
“‘Ua ‘ou manumālō ‘iā te ia;”
ne‘i mitamita ē ‘ua sauā mai ‘iā te a‘u,
pe a fa‘agae‘etia o a‘u.
5A o a‘u ne‘i, ‘ou te fa‘atuatua i lou alofa,#Sala 9.14
e fiafia lo‘u loto i lau fa‘aolataga.
6‘Ou te pese atu i le ALI‘I,#Sala 116.7; 119.17
auā ‘ua agalelei mai o ia ‘iā te a‘u.
Currently Selected:
Salāmo 13: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
