Salāmo 14
14
O le Uiga o le Amioga a ē Amio Leaga
Ma le usu pese. O le salāmo a Tavita
(Sala 53)
1‘Ua fai ifo le tagata valea i lona loto,#Roma 3.10-12; Sala 53.1-6
“E leai se Atua.”
‘Ua leaga lava i latou; ‘ua ‘inosia a latou amioga;
e leai se tasi ‘ua amio lelei.
2O lo‘o silasila mai le ALI‘I mai le lagi i le fānau a tagata,
‘ina ‘ia silafia pe ai se tasi ‘ua poto,
se ‘ua sā‘ili i le Atua.
3‘Ua latou ‘alo‘alo ‘ese uma lava, ‘ua leaga fa‘atasi i latou;
e leai se tasi ‘ua amio lelei,
e leai lava se tasi.
4E lē o iloa ‘ea e i latou uma lava o ē fai amio leaga?#Sala 79.6; Isai 1.3; 64.7; Iere 4.22; 10.25; Hose 7.7; Mika 3.3
O lo‘o ‘aina e i latou lo‘u nu‘u,
e pei ‘ona latou ‘a‘ai i mea e ‘ai;
‘ua latou le vala‘au i le ALI‘I.
5‘Ua matata‘u tele i latou i lea mea;
auā o i le tupulaga o ē amiotonu le Atua.
6‘Ua ‘outou fa‘amāina le filifiliga a lē ‘ua puapuagātia;#Sala 46.1; 61.3; 62.7-8, 10
auā o lona malu o le ALI‘I lea.
7E! fia iloa sē na te ‘aumaia mai Siona le fa‘aolataga o Isaraelu.#Sala 85.1; 126.1; Iere 30.18; Eseki 39.25; Hose 6.11; Ioe 3.1
Pe a fa‘afoisia mai e le ALI‘I le tāfeaga a lona nu‘u,
‘ona ‘oli‘oli ai lea o Iakopo, e fiafia ai Isaraelu.
Currently Selected:
Salāmo 14: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
