Salāmo 12
12
O le Tatalo ‘ona o le Agatele mai o Tagata
Ma le usu pese i le seminita. O le salāmo a Tavita
1Le ALI‘I e,#Isai 57.1; Mika 7.2
‘ia e fa‘aola mai;
auā ‘ua uma tagata amio Atua;
auā ‘ua mavae ē ‘ua fa‘amaoni nai le fānau a tagata.
2O lo‘o tautalatala le tagata i lē la te tuā‘oi i mea pepelo;#Sala 5.9; Iere 9.8; Roma 16.18; Iako 1.8
o lo‘o o latou tautalatala i laugutu molemole ma le fa‘alotolotolua.
3E vavae ‘ese e le ALI‘I o laugutu molemole uma lava,
ma le laulaufaiva e tautala i mea fa‘asausili.
4O ē ‘ua fai mai, “O tatou laulaufaiva tatou te manumālō ai,
o tatou laugutu o tatou lava ia; o ai ‘ea so tatou ali‘i?”
5‘Ona o le fa‘asauāina o ē ‘ua puapuagātia, ma le feoi o ē ‘ua matitiva,#Sala 9.12; Isai 33.10
‘ua fetalai mai ai le ALI‘I, “‘Ou te tula‘i atu ai nei,
‘ou te fa‘asaogalemūina i latou i ē ‘ua ulafia atu ‘iā te i latou.”
6O afioga a le ALI‘I o afioga mamā ia;#Sala 18.30; 119.140; Fa‘ata 30.5
‘ua se ario ‘ua fa‘ate‘a ‘ese ai le ‘ele‘ele i le umu,
e fa‘afitu ‘ona fa‘amamāina.
7Le ALI‘I e,
o oe lava ‘e te tausi ‘iā te i latou;
‘e te leoleo ‘iā te ia mai lenei lava tupulaga e o‘o i le fa‘avavau.
8‘Ua feoa‘i i lea itū ma lea itū o ē fai amio leaga,
‘ina ‘ua fa‘aeaina o lē ‘ua sili lona ulavale i le fānau a tagata.
Currently Selected:
Salāmo 12: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
