Salāmo 11
11
O le Fa‘atuatua o Tavita i le ALI‘I
Ma le usu pese. O le salāmo a Tavita
1‘Ou te fa‘alagolago i le ALI‘I;#1 Samu 23.13-14; Sala 25.2
se a le mea tou te fai mai ai ‘iā te a‘u.
“‘Inā sola ia e pei o le manulele i lo ‘outou mauga?
2Auā, fa‘auta, o ē fai amio leaga ‘ua latou lolo‘u le ‘aufana,
‘ua latou tu‘u le ū i le fu‘a,
e fana fa‘alilolilo ai i ē ‘ua tonu o latou loto.
3Auā ‘ua fulisia fa‘avae;
se a se mea e mafai ai le tagata amiotonu ‘ona fai?”
4O le ALI‘I o i lona malumalu pa‘ia o ia;#Sala 33.13; Isai 66.1; Sapa 2.20; Mata 5.34; Galu 7.49
o le ALI‘I o lo‘o i le lagi lona nofoāli‘i;
e silasila mai ona fofoga,
e tofotofo le fānau a tagata e ona laufofoga.
5E tofotofo e le ALI‘I i lē ‘ua amiotonu;
a ‘ua ‘inosia e lona finagalo lē fai amio leaga,
ma lē fiafia i le fa‘asauā.
6E fa‘atotō fa‘aua mai e ia i luga o ē fai amio leaga
o mailei,#11.6 mailei: O nisi fa‘aliliuga; malala ola. o le afi ma le teiō,
o le matagi fo‘i e manunu ai; o le tofi lea o la latou ipu.#Kene 19.24; Sala 75.8; Eseki 38.22
7Auā o le ALI‘I le amiotonu e fiafia o ia i le amiotonu;#Sala 17.15; 33.5; 1 Ioane 3.2; Fa‘aa 22.4
e silasila ona fofoga i lē ‘ua amio sa‘o.
Currently Selected:
Salāmo 11: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
