Iopu 4
4
Talanoaga Muamua
(4.1—14.22)
Elifasa
1‘Ona tali mai ai lea o Elifasa le Timanu,
‘ua fa‘apea mai,
2“A taumafai atu se ‘upu ‘iā te oe, pe ‘e te tigā ai ‘ea?
A o ai sē na te mafaia ‘ona tāofi lana ‘upu?
3Fa‘auta mai, na e apoapoa‘i atu i tagata e to‘atele,#Isai 35.3; Epe 12.12
na e fa‘amalosia lima vaivai.
4O au ‘upu sa fa‘amautūina ai lē sa tautevateva,
sa e fa‘amalosia fo‘i tulivae sa vaivai.
5A o lenei, ‘ua o‘o mai ‘iā te oe, ‘ua e fa‘avaivai ai;
‘ua papa‘i mai ‘iā te oe, ‘ua e atuatuvale ai.
6O lou fa‘atuatuaga, o lou fa‘amoemoega ma le tonu o ou ala,#Iopu 1.1; 31.24
e lē o lou mata‘u ‘ea lea i le Atua?
7“Se‘i e manatu, po o ai ‘ea ‘ua fano fua ‘ae lē sala?
po o fea fo‘i ‘ua fa‘aumatia ai ē ‘ua amiotonu?
8O la‘u va‘ai lea, o ē ‘ua suatia le agasala, ma lūlūina le amio leaga,#Fa‘ata 22.8; Hose 10.13; Kala 6.7-8
latou te selesele mai ai lava.
9E fano i latou i le mapugatama‘i#4.9 mapugatama‘i o le Atua: po o le to‘asā o le Atua. o le Atua,
e fa‘aumatia fo‘i i latou i le mānava o ona pogaiisu.#Eso 15.8; Sala 18.15; Isai 11.4; 30.33; 2 Tesa 2.8
10O le tagi o le leona ma le leo o le leona,
ma nifo o leona ta‘anoa, ‘ua gāugau lava ia.
11‘Ua fano le leona, auā e leai sana mea o saeia,
e fa‘ata‘ape‘apeina fo‘i le toloa‘i a le leona fafine.
12“‘Ua fa‘ao‘o mai fa‘alilolilo se ‘upu ‘iā te a‘u;#Iopu 26.14
‘ua lagona ai fo‘i o‘u taliga nai mea itiiti.
13O mafaufauga i mea e va‘aia i le po,#Kene 2.21; 15.12; 1 Samu 26.12; Iopu 33.15; Isai 29.10
‘ina o moe gagase tagata;
14‘ua o‘o mai ai ‘iā te a‘u le mata‘u ma le gatete,
na tetemū ai o‘u ivi uma.
15Na ui ane i o‘u luma le agaga,
‘ua mātatili ai lo‘u tino.
16Na tu mai o ia, a ‘ou te le‘i iloa le uiga o lona tino mai;#Nume 12.8; 1 Tu 19.12; Sala 17.15
sa i ai le ata i luma o o‘u mata,
sa ligoligo, ‘ona ‘ou fa‘alogo ai lea i le leo.
17‘Pe sili ‘ea le amiotonu a le tagata i lo le Atua?#Iopu 9.2; 25.4; 32.2; Roma 3.4
pe sili ‘ea le lelei o le tagata i lē na faia o ia?
18Fa‘auta, ‘ua lē fa‘alagolago o ia i ana ‘au‘auna;#Iopu 15.15
‘ua ia ta‘uvaleleaina ana agelu.
19E atili ai ‘ona fa‘apea i ē o nonofo i fale ‘omea,#Iopu 10.9; 13.28; 33.6; Isai 64.8; 2 Kori 4.7; 5.1
o i ai lo latou fa‘avae i le ‘ele‘ele,
‘ua tu‘imomomoina i latou e pei o le pepe.
20E tu‘imomomoina i latou e āfua i le taeao e o‘o i le afiafi,#Sala 90.5-6; Isai 38.12; 57.1
‘ua fano i latou e fa‘avavau ‘ua leai fo‘i se tasi e manatuaina i latou.
21‘Ua lē ‘avea ‘ea lo latou fa‘asilisili sa ‘iā te i latou?#Iopu 36.12; Fa‘ata 5.23; 10.21; Hose 4.6
‘Ua oti, valelea i latou.’
Currently Selected:
Iopu 4: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
