Iopu 5
5
O isi ‘upu o le A‘oa‘iga a Elifasa ‘iā Iopu ma lana Apoapoa‘i ‘iā te Ia.
1“‘Inā vala‘au atu ia, pe ai se tasi e tali mai ‘iā te oe?#Iopu 15.15; Sala 89.5, 7; Saka 14.5
po o ai fo‘i so le ‘au pa‘ia ‘e te fa‘asaga i ai?
2O le ita e fasia ai le tagata valea,
o le matau‘a fo‘i e oti ai le vale.
3Na ‘ou iloa le tagata valea ‘ua sosolo ona a‘a;#Sala 37.35; Iere 12.2-3
a ‘ua ‘ou fa‘afanoloaina le mea na mau ai o ia.
4‘Ua mamao lana fānau i le olataga,#Ruta 4.1; Sala 119.155; 127.5; Amo 5.12
‘ua solia fo‘i i latou i le faitoto‘a,
‘ae leai sē na te lavea‘iina.
5‘Ua ‘aina lana saito e lē ‘ua fia ‘ai,
‘ua ‘avea ai fo‘i e ia a‘i mea matuitui,
‘ua naunau atu le malaia i o latou ‘oloa.
6Auā e lē alu a‘e mai le ‘ele‘ele le malaia,
e le tupu mai fo‘i mai le lau‘ele‘ele le tigā.
7A ‘ua fānau mai le tagata ‘ia tigāina,#Kene 3.17-19; Iopu 14.1; Fai 2.23
e pei ‘ona lele a‘e o aloiafi.#5.7 e pei o le lele a‘e o aloiafi: po o e pei o le lele a‘e o manulele i le lagi.
8“‘Ae peita‘i a‘u, ‘ou te sā‘ili atu i le Atua,
‘ou te tu‘uina atu la‘u mea i le Atua.
9O lē ‘ua faia mea tetele e lē masu‘esu‘eina,#Iopu 11.7; 37.5; Sala 40.5; 72.18; Roma 11.33; Fa‘aa 15.3
o vāvega e lē mafaitaulia.
10O lē ‘ua foa‘iina mai le timu i le lau‘ele‘ele,
o lē ‘ua tu‘uina mai fo‘i o vai i le vao.
11E ‘ava‘e i le mea maualuga o ē ‘ua maulalo;#1 Samu 2.7; Sala 113.7
e fa‘aeaina fo‘i o ē ‘ua fa‘anoanoa ‘ia saogalemū ai.
12‘Ua fa‘alēaogāina e ia o mafaufauga o ē fai togafiti,
‘ona lē fai ai lea i o latou lima mea ‘ua latou manatu i ai.
13E maua e ia o ē popoto ‘iā latou lava togafitiga,#Sala 9.15; 1 Kori 3.19
e fa‘alēaogāina fo‘i le pule a ē fa‘a‘ole‘ole.
14‘Ua oso atu i latou i le pouliuli a o ao,#Teu 28.29; Iopu 12.25; Isai 59.10
latou te tautago fo‘i i le aoauli e peiseaī o le po.
15‘Ae fa‘aolaina e ia o ē matitiva a‘i le pelu o latou gutu
ma le lima o lē ‘ua malosi.
16O le mea lea ‘ua fai ai le fa‘amoemoe o lē ‘ua vaivai,
‘ae punitia le gutu o lē amio leaga.
17“Fa‘auta mai, ‘amu‘ia le tagata ‘ua a‘oa‘iina e le Atua;#Fa‘ata 3.11; Epe 12.5-6; Kene 17.1; Iako 1.12; Fa‘aa 3.19
o le mea lea ‘aua ‘e te ta‘ufa‘atauva‘aina
le a‘oa‘iga a Lē e ona le malosi uma lava.
18Auā o ia na te fa‘atigāina, o ia fo‘i na te fusia;#Hose 6.1; Teu 32.39; Isai 30.26; 61.1
o ia e manu‘a ai, o ona ‘a‘ao fo‘i e fofō ai.
19E lavea‘i mai o ia ‘iā te oe i puapuagā e ono,
o lona fitu lava e lē papa‘i atu ai se leaga ‘iā te oe.
20Na te lavea‘iina oe i le oge ‘ia lē oti ai,#Sala 33.19
na te lavea‘iina fo‘i oe i le pelu i le tau‘a.
21‘E te lilo ai oe i le sasa a le laulaufaiva,
‘e te lē fefe fo‘i i le fa‘atafunaina pe a o‘o mai.
22‘E te ‘ata i le fa‘atafunaina ma le oge,#Isai 11.8; 65.25; Eseki 34.25; Hose 2.18
‘e te lē mata‘u fo‘i i manu fe‘ai.
23Auā e fai sa ‘outou feagaiga,
o oe ma ma‘a o le ‘ele‘ele;
tou te lelei fo‘i ma manu fe‘ai.
24‘E te iloa fo‘i, ‘ua saogalemū lou fale ‘ie;#Iopu 21.8; Sala 112.2
‘e te asiasi lava i lou fale, a ‘e te lē agasala.
25‘E te iloa fo‘i e to‘atele lau fānau,
e tusa fo‘i o ē ‘ua tutupu ‘iā te oe ma le vao iti o le lau‘ele‘ele.
26‘E te o‘o i le tu‘ugamau o ē toeaina lava,#Kene 25.8; 35.29; Fa‘ata 9.11; 10.10-27
e pei ‘ona alu a‘e o le fa‘aputuga saito i lona tau.
27Fa‘auta, ‘ua matou su‘esu‘eina lenei mea, o lo‘o fa‘apea lava ia;
‘inā e fa‘afogafoga mai i ai ma ‘ia e silafia ai.”#Sala 111.2
Currently Selected:
Iopu 5: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
