Iopu 36
36
O ‘Upu a Eliu
1‘Ua toe fai mai fo‘i Eliu,
2“‘Ia e ‘onosa‘i mai pea teisi ‘iā te a‘u,
‘ou te fa‘aali atu ai ‘iā te oe,
auā ‘ua totoe pea ‘upu mo le Atua.
3‘Ou te ‘aumaia lo‘u poto a‘i le mea mamao,#Fa‘aa 15.3-4
‘ou te ta‘uamiotonuina fo‘i lē na faia a‘u.
4Auā e moni lava, e lē pepelo a‘u ‘upu;
‘ua ‘iā te oe le tasi ‘ua fa‘amaoni lona poto.
5“Fa‘auta, ‘ua silisili ‘ese le Atua, ‘ae lē ‘ino‘ino o ia i se tasi,#Iopu 8.20; 9.4; Sala 138.6
‘ua silisili ‘ese le malosi o lona finagalo.
6Na te lē fa‘aola i lē ‘ua amio leaga;
‘ae faia e ia le fa‘amasinoga mo ē ‘ua puapuagātia.
7Na te lē ‘alo ona fofoga i ē ‘ua amiotonu;#Sala 33.18; 34.15; 113.8
‘ae silasila i tupu i nofoāli‘i;
na te fa‘atumauina fo‘i i latou e fa‘avavau, ‘ua fa‘asilisiliina fo‘i i latou.
8‘Āfai fo‘i ‘ua noanoatia i latou i maea u‘amea,
ma lavelavea i latou i maea o le puapuagā,
9‘ona fa‘aali ai lea e ia ‘iā te i latou o mea ‘ua latou faia,#Iopu 15.25
ma o latou solitulafono, ‘ina ‘ua tele lava.
10‘Ua ia fa‘afa‘alogoina fo‘i o latou taliga i a‘oa‘iga;
ma fetalai atu, ‘ia latou fo‘i mai nai le amio leaga.
11‘Āfai latou te fa‘alogo ma ‘au‘auna ‘iā te ia,#Isai 1.19-20
‘ona fa‘auma ai lea o latou aso o manuia,
ma o latou tausaga o fiafia.
12‘Ae ‘āfai latou te lē fa‘alogo,
‘ona fa‘aumatia ai lea o i latou i le tao,
e oti fo‘i i latou e lē popoto.
13“A o ē ‘ua loto fa‘alēmata‘u,#Roma 2.5
‘ua latou fa‘aputuina le to‘asā;
latou te lē ‘alalaga ‘iā te ia pe a noanoatia i latou e ia.
14E oti i latou a o taulele‘a;
e i‘u fo‘i o latou ola fa‘atasi ma ē ‘ua fa‘asotoma.
15Na te lavea‘iina lē ‘ua puapuagātia nai lona puapuagā;#Iopu 33.15-28; Sala 119.67, 71
na te fa‘afa‘alogoina fo‘i o latou taliga a o sauāina i latou.
16E fa‘apea fo‘i ‘ona ia ta‘ita‘i‘eseina o oe a‘i le mea vā apiapi,#Sala 18.19; 23.5; 36.8
i le mea lautele e lē o i ai se vā apiapi;
o le mea fo‘i e laulauina i lau la‘o‘ai e so‘ona lololo lea.
17“A ‘ua e fa‘a‘ato‘atoaina le fa‘amasinoga a ē amio leaga;
e mulimuli le fa‘asala i le fa‘amasinoga.
18Auā ‘ua i ai le to‘asā,#Iopu 33.24
‘ia oe, ne‘i ‘ave‘esea oe e ia i le sasa;
‘ona lē fa‘asaoina ai lea o oe i se togiola tele.
19Na te finagalo ‘ea i au ‘oloa? Na te lē finagalo lava i auro, po o faulaiga‘oa uma lava.
20‘Aua ‘e te mana‘o i le po,#Iopu 27.20; 34.20; 25.4
e ‘ava‘e ai nu‘u a‘i le mea o lo‘o latou i ai.
21‘Ia oe, ne‘i e loto atu i le amio leaga;
auā ‘ua sili lou loto i lea mea i lou loto i le puapuagā.
22Fa‘auta, ‘ua silisili ‘ese le Atua i lona malosi;#Iopu 34.13, 32
o ai na te a‘oa‘o e fa‘apei o ia?
23Po o ai ‘ua togia ‘iā te ia lona ala?#Iopu 34.10; Isai 40.13-14; Roma 11.34; 1 Kori 2.16
O ai fo‘i na te fai atu, ‘‘Ua e faia amioletonu?’
24“‘Ia e manatua ‘ona vivi‘i i ana galuega#Sala 92.5; 104.33; Luka 1.46; Fa‘aa 15.3
o lo‘o va‘ai i ai tagata.
25‘Ua matamata i ai tagata uma lava,
‘ua iloa mamao atu e tagata.#36.25 ‘ua iloa mamao atu e tagata: po o e leai se tagata e malamalama i ai.
26Fa‘auta, ‘ua silisili ‘ese le Atua, tatou te lē iloa fo‘i o ia;#Iopu 37.5; Sala 90.2; 102.27; 1 Kori 13.12
e lē masino fo‘i le faitau o ona tausaga.
27Auā e ‘aveina a‘e e ia fa‘aafuafu o vai;
e totō ifo le timu e sui a‘i lona ‘ausa.
28E mā‘ulu‘ulu mai ai i ao;#Teu 33.28; Fa‘ata 3.20
e totō tele mai ai i luga o tagata.
29E iloa fo‘i ‘ea se tasi ‘ona fofola o le ao,#Iopu 26.9; Sala 18.11; 105.39
ma le ta‘alili mai o lona fale apitaga?
30Fa‘auta, ‘ua ia fofola i ona luga lona malamalama;#Iopu 37.3
‘ua ia ufiufi fo‘i le ‘iliti tai.
31Auā o ia mea ‘ua ‘ia fa‘asalaina ai nu‘u;#Iopu 37.13; Sala 104.27-28; Sapa 3.4; Galu 14.17
‘ua ia foa‘i mai ai fo‘i mea e ‘ai e tele.
32‘Ua ia ufitia ona ‘a‘ao i le uila,
na te poloa‘i i ai i se mea e pa‘ū i ai.
33‘Ua ia fa‘ailoa mai lona faititili i luga o tagata,
i luga o lafu ‘atoa ma mea e tutupu.
Currently Selected:
Iopu 36: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
