Iopu 35
35
O ‘Upu a Eliu
1‘Ua tali mai pea Eliu, ‘ua fa‘apea mai,
2“‘E te manatu ‘ea ‘ua tonu lenei mea, ‘ina ‘ua e fai mai,#Iopu 32.2
‘E sili la‘u amiotonu i lo le Atua?’
3Auā ‘ua e fai mai, ‘Se a le aogā ‘iā te oe?
Se a fo‘i le aogā ‘iā te a‘u pe a leai sa‘u agasala?’
4‘Ou te tali atu ‘iā te oe,#Iopu 34.8, 36
‘atoa ma a‘u uō fa‘atasi ma oe.
5‘Ia e tepa a‘e i le lagi, ma ‘ia e va‘ai;
‘ia e matamata fo‘i i ao ‘ua maualuga lava i ou luga.
6‘Āfai ‘ua e agasala, se a se mea ‘ua e fai ‘iā te ia?#Iere 7.19
‘Āfai fo‘i ‘ua fa‘ateleina ou solitulafono,
se a se mea ‘ua e fai ‘iā te ia?
7‘Āfai ‘ua e amiotonu, se a se mea ‘ua e avatua ‘iā te ia?#Iopu 22.2, 3; 41.11; Roma 11.35
Se a fo‘i se mea ‘ua ia maua mai lou lima?
8Ai e leaga le tagata e pei o oe i lau amio leaga;
ai e aogā fo‘i i le tagata o lau amiotonu.
9“O le tele o sauāga ‘ua ‘alalaga ai tagata;#Eso 2.23; Iopu 22.8; 34.28
‘ua uiō i latou ‘ona o le lima o ē malolosi.
10‘Ae leai sē na te fai mai,#Teu 32.6; Sala 42.8; 77.6; 149.5; Isai 57.13; Galu 16.25
‘Po o ifea o i ai le Atua o lē na faia a‘u?
O lē ‘ua ‘aumai pese i le po.
11O lē a‘oa‘o mai ‘iā te i tatou e sili i manu e tata‘a,#Isai 28.26
ma na fa‘apopotoina i tatou e sili i manu felelei.’
12‘Ua latou ‘alalaga ai, ‘ae lē tali atu o ia,
‘ona o le fa‘amaualuga o ē amio leaga.
13E lē fa‘afofogaina lava e le Atua le tatalo fa‘atauva‘a;
e lē silasila fo‘i i ai Lē e ona le malosi uma lava.
14E ui lava ‘ina e fai mai ‘e te lē iloa atu o ia,#Iopu 3.11; 13.15; 23.8-9
‘ae ‘iā te ia le fa‘amasinoga;
o lea ‘ia e fa‘atalitali ai ‘iā te ia.
15A o lenei, ‘ina ‘ua lē asiasi mai lona to‘asā,
ma ‘ua lē silasila o ia i le agasala e matuā tele lava.
16O le mea lea ‘ua tautala fua mai ai Iopu,#Iopu 34.35, 37; 38.2
‘ua fa‘ateleina ‘upu i lona lē iloa.”
Currently Selected:
Iopu 35: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
