Iopu 17
17
O isi ‘Upu a le Tali a Iopu ‘iā Elifasa
1‘Ua itiiti la‘u mānava, ‘ua mavae o‘u aso, ‘ua saunia le tu‘ugamau mo a‘u.#Sala 88.3, 4
2E lē o ‘iā te a‘u ‘ea o ē ‘ua tauemu?
E lē ‘ua ‘ou va‘ai pea ‘ea i lo latou finau vale.
3“‘Ia e tu‘u mai se fa‘amaoni,#Sala 119.122; Fa‘ata 6.1; Isai 38.14; Epe 7.22
‘inā e tu‘u mai ia se fa‘amaoni ‘iā te a‘u i la tā finauga ma oe;
o ai sē ma te fetāgofi o ma lima?
4Auā ‘ua e punitia o latou loto ‘ia lē mafaufau;
o le mea lea ‘e te lē fa‘asilisiliina ai i latou.
5O lē na te fa‘asinoina ana uō i ē vetea mea, e ‘avea mata o ana fānau.#17.5 o lē na te…e ‘avea mata o ana fānau: po o o lē na te fa‘afiafiaina ana uō ‘ae o lo‘o fia ‘a‘ai lana fānau.
6“‘Ua ia faia fo‘i a‘u ma ‘upu fa‘atusa i le nu‘u;#Teu 28.37; Iopu 30.9-10
‘ua ‘inosia fo‘i a‘u i o latou luma.
7‘Ua puaoa fo‘i o‘u mata ‘ona o le fa‘anoanoaga,
ma o‘u itū tino uma e pei o le ata ia.
8E femēmēa‘i tagata amiotonu i lenei mea,#Isai 52.14
e tula‘i atu fo‘i lē ‘ua lē sala i le tagata fa‘alēmata‘u.
9O lē ‘ua amiotonu e tumau pea o ia i lona ala,
o ia fo‘i ‘ua mamā ona lima e fa‘aopoopoina pea lona malosi.
10A o ‘outou uma, ‘inā fo‘i mai ia, ‘inā ō mai ia;#Iopu 6.29
‘ou te lē iloa lava se tagata poto ‘iā te ‘outou.
11‘Ua mavae atu o‘u aso, ‘ua fa‘alēi‘uina o‘u mafaufauga,
o manatu lava o lo‘u loto.
12‘Ua latou faia le po ma ao;#Iopu 11.17
‘ua latou fa‘apea mai, ‘‘ua latalata le malamalama i le pouliuli.’
13E moni ‘ou te fa‘atalitali atu i le tu‘ugamau e fai mo‘u fale;#Iopu 21.13
‘ou te fofolaina lo‘u moega i le pouliuli.
14‘Ua ‘ou vala‘au i le pala, ‘O lo‘u tamā oe;’ i le ilo fo‘i,
‘O lo‘u tinā’ po o ‘lo‘u tuafafine lea.’
15O i fea o i ai nei fo‘i lo‘u fa‘amoemoe?
O lo‘u fa‘amoemoe fo‘i, po o ai ‘ea na te va‘ai i ai?
16E ō ifo ia i fa‘amau o le tu‘ugamau,#Iopu 3.17-19; 21.26
e mapu lava fa‘atasi i le ‘ele‘ele.”
Currently Selected:
Iopu 17: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
