Iopu 18
18
O le Tali a Pilitati ‘iā Iopu
Pilitati
1‘Ona tali mai ai lea o Pilitati le Sua ‘ua fa‘apea mai,
2“Tou te fa‘ai‘uina afea a ‘outou ‘upu?#Mata 22.15
‘Ia ‘outou mafaufau, e mulimuli ane fo‘i matou te tautala atu ai.
3Se a le mea ‘ua ta‘umanuvaefā ai i matou,
ma ‘ua leaga ai i matou i ou manatu?
4‘Ua saeia lava oe i lou ita;#Iopu 14.18; 16.9
Pe gaogao ‘ea le lalolagi ‘ona o oe?
Pe si‘itia ‘ea le papa a‘i le mea o i ai, ‘ona o oe?
5“E tineia lava le malamalama o ē amio leaga,#Iopu 21.17; Fa‘aa 13.9; 20.10
e lē pupula fo‘i le mumū o lona afi.
6E ‘avea le malamalama ma pouliuli i lona fale ‘ie;
e tineia fo‘i lona lamepa i ona luga a‘e.
7E fa‘alavelaveina ona la‘asaga malolosi,#Iopu 5.13
e lafotūina fo‘i o ia i lana lava pule.
8Auā o ona lava vae ‘ua fa‘ao‘oina ai o ia i le ‘upega,
‘ua savali fo‘i o ia i luga o le mailei.
9E lavea lona mulivae i le mailei,
e tāofimauina o ia e le matāsele.
10‘Ua tatao i le ‘ele‘ele le matāsele mo ia,
ma le mailei mo ia i le ala.
11E fa‘amata‘utia o ia i itū uma i mea mata‘utia,#Iopu 20.25; Iere 6.25
e tulitataoina ai fo‘i o ia.
12E fa‘avaivaia lona malosi i le fia ‘ai,
e saunia fo‘i le malaia i ona tafatafa.
13E ‘aina ona itū tino e le ma‘i;
e ‘aina lava ona itū tino se‘ia o‘o ‘ina oti.
14E lia‘iina lona fa‘atuatuaga a‘i lona fale ‘ie,#Fa‘aa 9.11
na te ‘aumaia fo‘i o ia i le tupu o mea mata‘utia.
15E mau lea i lona fale ‘ie, auā ‘ua lē toe fai mōna;#Sala 11.6; Eseki 38.22
e lūlūina le teiō i luga o le mea e nofo ai o ia.
16E mamago ona a‘a i lalō,#Iopu 14.2; 29.19; Hose 9.16; Mala 4.1
e sala‘eseina fo‘i ‘ona la i luga.
17E fa‘aumatia lona fa‘amanatuga mai le lalolagi,
e leai fo‘i sona igoa i le malae.
18E tulia o ia a‘i le malamalama i le pouliuli,#Iopu 10.21-22
e tuli‘eseina fo‘i o ia i le lalolagi.
19E lē i ai ‘iā te ia se atali‘i,
e leai fo‘i se atali‘i o lona atali‘i i lona nu‘u,
e leai fo‘i sē toe i mea sa nofo ai o ia.
20E femēmēa‘i tupulaga mulimuli i lona aso,#1 Samu 26.10; Iopu 21.6; Iere 50.27
fa‘apei ‘ona maua e le mata‘utuia o ē na muamua.
21E fa‘apenā lava fale o lē ‘ua amio leaga;#Fa‘ama 2.10; Iere 9.3; 2 Tesa 1.8
e fa‘apea fo‘i le mea e nofo ai lē ‘ua lē iloa le Atua.”
Currently Selected:
Iopu 18: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
