Iopu 16
16
O le Tali a Iopu i le A‘oa‘iga a Elifasa
Iopu
1‘Ona tali atu ai lea o Iopu, ‘ua fa‘apea atu,
2“‘Ua ‘ou fa‘alogo atu i mea fa‘apenā e tele;#Iopu 13.4
o tagata fa‘amafanafana fa‘asoesā o ‘outou uma.
3Ei ai ‘ea se i‘uga o ‘upu fa‘atauva‘a?
Pe se a fo‘i se mea ‘ua fa‘aoso ‘iā te oe, ‘ina ‘ua e tali mai?
4O a‘u nei fo‘i, ‘ou te mafaia ‘ona tautala e pei o ‘outou,#2 Tu 19.21; Sala 22.7; Iere 18.16; Mata 27.39
pe ‘ana fesuia‘iina ‘outou ma a‘u.
‘Ou te mafaia ‘ona fa‘asoso‘oina atu o ‘upu ‘iā te ‘outou,
ma lialia‘i atu lo‘u ulu ‘iā te ‘outou.
5A ‘ou te fa‘amalosi atu ‘iā te ‘outou i lo‘u gutu,
o le tautala fo‘i a o‘u laugutu e fa‘afeoloolo ai o ‘outou tigā.
6“‘Āfai ‘ou te tautala atu e lē feoloolo ai lo‘u tigā;
‘āfai ‘ou te fa‘alologo, se a ‘ea se tigā e te‘a ai ‘iā te a‘u?
7A o lenei, ‘ua fa‘avaivaia mai o a‘u e le Atua;#Iopu 1.15-19
‘ua ia fa‘aumatia lo‘u ‘āiga uma.
8‘Ua e fusifusia a‘u, ‘ua fai lea ma molimau ‘iā te a‘u;
‘ua tula‘i mai fo‘i ‘iā te a‘u lo‘u tino vale e molimau i o‘u lava luma.
9‘Ua ia saeia a‘u i lona to‘asā, ma ‘ua tuliloa mai ‘iā te a‘u;#Iopu 18.4; 30.21; Sala 35.16; 37.12; Paru 2.16; Hose 6.1; Galu 7.54
‘ua li ona nifo ‘iā te a‘u; ‘ua pulato‘a mai ‘iā te a‘u o lē ‘ua fai a‘u mōna fili.
10‘Ua latou fa‘amaga o latou gutu ‘iā te a‘u;#1 Tu 22.24; Sala 3.7; 22.13; Isai 50.6; Galu 23.2
‘ua latou taia mai lo‘u alafau e fai ma luma;
‘ua latou fa‘apotopoto fa‘atasi e agaleaga ‘iā te a‘u.
11‘Ua tu‘uina a‘u e le Atua i ē ‘ua amioletonu,
‘ua ia tu‘ulafoa‘iina a‘u i lima o ē amio leaga.
12Sa ‘ou filemū, a ‘ua ia tu‘imomomoina a‘u;
‘ua ia pu‘e mai fo‘i i lo‘u ua, ma nutinini‘i ‘iā te a‘u;
‘ua na fa‘atūina fo‘i a‘u e fai ma manulautī ‘iā te ia.
13‘Ua si‘osi‘omia a‘u e ana ‘au e fanafana u;#Iopu 6.4; 27.22; Paru 2.11
‘ua ia ati i ‘ou fatuga‘o, na lē fa‘asaoina fo‘i e ia;
‘ua ia sasa‘aina atu lo‘u au ‘o‘ona i le ‘ele‘ele.
14‘Ua ia fasigaugauina a‘u i lea manu‘a ma lea manu‘a,
‘ua ia osofa‘i mai ‘iā te a‘u e pei o se fitafita.
15‘Ua ‘ou suia le ‘ie talatala i lo‘u tino,#2 Samu 3.31; Sala 7.5; 75.10
‘ua ta‘oto fo‘i lo‘u malosi i le ‘ele‘ele.
16‘Ua fulafula o‘u mata i le tagi,
o lo‘o i ai fo‘i i o‘u laumata le ata o le oti.
17E lē ‘ona ‘ua i ai o se sauā i o‘u lima;#Isai 53.9
‘ua mamā fo‘i la‘u talosaga.
18“Le ‘ele‘ele e, ‘aua ‘e te ufitia lo‘u toto,#Kene 4.10; Isai 26.21
‘aua ne‘i i ai fo‘i se mea mo la‘u ‘alaga.
19O lenei fo‘i, fa‘auta, o i le lagi lē molimau ‘iā te a‘u,#Sala 89.37; Roma 1.9
o i luga fo‘i lē ‘ua i ai le mau ‘iā te a‘u.
20‘Ua tauemu mai a‘u uō ‘iā te a‘u;
a ‘ua sisina ifo loimata i o‘u mata i luma o le Atua.
21E! ‘ana mafaia ‘ona finau o le tagata ma le Atua,#Sala 31.24
e pei ‘ona finau o le tagata ma lana uō.
22Auā e mavae mai nai tausaga ‘ua faitaulia,#Iopu 10.21
‘ona ‘ou alu atu ai lea i le ala ‘ou te lē toe fo‘i mai ai.
Currently Selected:
Iopu 16: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
