Isaia 12
12
O le Pese e Fa‘afetai atu ai i le Atua
1O lea aso fo‘i ‘e te fa‘apea mai ai:
Le ALI‘I e, ‘ou te vivi‘i atu ‘iā te oe, auā sa e to‘atama‘i ‘iā te a‘u,
a ‘ua mavae lou to‘asā, ma ‘ua e fa‘amatalaloto mai ‘iā te a‘u.
2Fa‘auta, o le Atua, o lo‘u fa‘aolataga ia;#Eso 15.2; Sala 118.14
‘ou te fa‘atuatua, ‘ou te lē fefe.
Auā o le ALI‘I le ATUA, o lo‘u malosi ia ma la‘u pese;
‘ua ‘avea fo‘i o ia mo‘u fa‘aolataga.
3Tou te utu vai ma le ‘oli‘oli#Ioane 4.14
i vaipuna o le fa‘aolataga.
4O lea aso fo‘i tou te fa‘apea atu ai:#Sala 105.1; 145.4, 6; 148.13
‘Ia ‘outou vivi‘i atu i le ALI‘I,
‘inā vala‘au atu ia i lona suafa.
‘Ia ‘outou fa‘ailoa atu i nu‘u o ana galuega;
‘ia ‘outou ta‘uta‘u atu ‘ua vi‘ia lona suafa.
5Pepese atu ia i le ALI‘I, auā ‘ua faia e ia mea silisili ‘ese;
‘inā fa‘ailoa atu ia o lea mea i le lalolagi uma.
6‘Alaga ia, ‘ia leo tele ma le fiafia,#Sala 46.5; Isai 1.4
o oe o lē nofo i Siona;
auā e silisili ‘ese le Pa‘ia o Isaraelu,
o lē o afio i totonu ‘iā te oe.
Currently Selected:
Isaia 12: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
