Isaia 11
11
O le Valo‘aga i le Mesia ma lona Mālō
1‘Ae tupu mai le la la‘au i le pogai o Iese, e tupu a‘e fo‘i le tātupu i ona a‘a.#Fa‘aa 5.5; 22.16; 1 Samu 17.12; Iere 23.5; Saka 3.8
2E afio mau ‘iā te ia le Agaga o le ALI‘I;
o le Agaga o le poto ma le mafaufau;
o le agaga o le fa‘atonuga ma le malosi;
o le Agaga o le malamalama ma le mata‘u i le ALI‘I.
3E fiafia fo‘i o ia i lē mata‘u i le ALI‘I;
e lē fa‘amasino o ia e tusa ma le sisila atu o ona fofoga;
e lē a‘oa‘i fo‘i o ia e tusa ma le fa‘afofoga o ona taliga.
4‘Ae fa‘amasino o ia ma le tonu i ē matitiva,#2 Tesa 2.8; Sala 72.2, 4; Mala 4.6
e a‘oa‘i fo‘i o ia ma le tonu, ‘ona o ē fa‘amaulalo o i le lalolagi.
Na te taia fo‘i le lalolagi i le sasa o lona fofoga,
o le mānava fo‘i o lona fofoga,
na te fasioti a‘i lē amio leaga.
5E fai le amiotonu ma fusi o lona sulugātiti,#Efe 6.14
e fai fo‘i le fa‘amaoni ma fusi o lona tino.
6E nofo fa‘atasi le luko ma le tama‘i mamoe,#Hose 2.18
e ta‘oto fo‘i le nameri fa‘atasi ma le tama‘i ‘oti.
E fa‘atasi fo‘i le tama‘i povi ma le leona ta‘anoa
‘atoa ma le manu peti,
e ta‘ita‘iina fo‘i i latou e le tamaitiiti.
7E ‘a‘ai fa‘atasi le povi fafine ma le urosa,
e ta‘o‘oto fa‘atasi a lā‘ua tama;
e ‘ai fo‘i e le leona ‘au o saito pei o le povi.
8E ta‘alo fo‘i le tama e le‘i te‘a ma le susu i le lua o le asipi,
o le tama fo‘i ‘ua te‘a ma le susu,
e tu‘u e ia lona lima i le lua o le gata uogo.
9Latou te lē faia se mea leaga,#Isai 65.25; Sapa 2.14
latou te lē fa‘aumatia fo‘i se mea i lo‘u mauga pa‘ia uma.
Auā e tumu le lalolagi i le malamalama o le ALI‘I,
e pei ‘ona ufitia o le ‘iliti tai i le suāsami.
O Latou sa Fa‘atāfea o le a toe Fo‘i Mai
10O lea aso fo‘i e tu mai ai le Pogai o Iese, e fai ma tagāvai o le nu‘u, e sā‘ili ‘iā te ia o nu‘u ‘ese; e matagofie fo‘i lona mālōlōga.#Roma 15.12; Isai 5.26 11O lea aso fo‘i e toe tu‘u atu fa‘alua e le Ali‘i lona ‘a‘ao e lavea‘iina ē ‘ua totoe o lona nu‘u; o ē ‘ua totoe i Asuria ma Aikupito ma Patoro ma Kusa ma Elama ma Senara ma Amato, ‘atoa ma nu‘u tu matāfaga.
12E fa‘atūina fo‘i e ia le tagāvai mo nu‘u ‘ese,
ma fa‘apotopotoina ē ‘ua tulia o Isaraelu
ma aofa‘i ē ‘ua fa‘ata‘ape‘apeina o Iuta i itū e fa o le lalolagi.
13‘Ona mavae atu ai lea o le matau‘a o Efaraima,
e fa‘aumatia fo‘i ē o fa‘asauā ‘iā Iuta;
e lē matau‘a Efaraima ‘iā Iuta,
e lē fa‘asauā Iuta ‘iā Efaraima.#Isai 9.21; Eseki 37.16-22
14Latou te felelei atu i tau‘au o Filisitia i sisifo;
latou te vete fa‘atasi mea a tagata o sasa‘e;
latou te fetāgofi ‘iā Etoma ma Moapi;
e fa‘alogo fo‘i ‘iā te i latou le fānauga a Amoni.#2 Samu 8.1, 2, 14; 12.26; Iere 49.28
15E fa‘aumatia lava e le ALI‘I le faga o le sami o Aikupito;
e si‘i fo‘i e ia lona ‘a‘ao i luga o le vaitafe i lona matagi tetele lava,
e taia fo‘i e ia e fai ma magāvai e fitu
ma fa‘aui atu ai ‘iā te i latou o fa‘ase‘evaeina.#Fa‘aa 16.12
16E i ai fo‘i le ala tele mo ē ‘ua totoe o lona nu‘u,
o ē ‘ua totoe i Asuria;
pei ‘ona fai ‘iā Isaraelu,
i le aso na ia alu a‘e ai nai le nu‘u o Aikupito.#Eso 14.29; Isai 19.23
Currently Selected:
Isaia 11: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
