Efeso 5

O le Apoapoa‘iga i Amio e Tatau

1O lenei, ‘ia fa‘aa‘oa‘o ‘outou i le Atua, fa‘apei o le fānau pele;#Mata 5.48; Kolo 3.12 2ma ‘ia sāvavali i le alofa, fa‘apei o Keriso fo‘i na ia alofa mai ‘iā i tatou, ‘ua na foa‘i mai fo‘i o ia lava#5.2 o ia lava: O le fa‘aliliuga tuai; e ia ‘iā te ia. mo i tatou, o le taulaga ma le togiola i le Atua o le mea manogi lea.#Kala 2.20; Epe 10.10; Kolo 3.13; Sala 40.6; Eso 29.18; Eseki 20.41

3A o le faita‘aga, ma amio leaga uma, po o le manumanu fo‘i, ‘aua ne‘i ta‘ua lava ‘iā te ‘outou, e pei ‘ona tatau i ē ‘ua pa‘ia. 4O le anovale fo‘i, ma le tautala i ‘upu fa‘atauva‘a ma le fa‘aulaula, o mea ia e lē tatau; a o le fa‘afetai e lelei lava lea. 5Auā ‘ua ‘outou iloa lenei mea, ‘ai sē faita‘aga, po o sē fai amio leaga, po o sē manumanu, (o le ifo i tupua lava lea,) e lē maua e i latou se tofi i le mālō o Keriso ma le Atua.#1 Kori 6.9-10; Kolo 3.5; Galu 8.21

6‘Aua ne‘i fa‘asesēina ‘outou e se tasi i ‘upu fa‘atauva‘a; auā o mea ia e o‘o mai ai le to‘asā o le Atua i ē fa‘alogogatā.#Roma 1.18; Kolo 2.4, 8 7O lenei, ‘aua ne‘i fa‘atasi ‘outou ma i latou; 8auā sa ‘outou pouliuli anamua, a o lenei ‘ua ‘outou malamalama i le Ali‘i; ‘inā sāvavali ‘ia pei o ē ‘ua malamalama;#Luka 16.8; 1 Pete 2.9; Ioane 12.36 9auā o le fua o le malamalama,#5.9 o le malamalama: O nisi fa‘aliliuga; o le Agaga. o le agalelei uma lava lea, ma le amiotonu, ma le fa‘amaoni. 10‘Ia su‘esu‘e ‘outou pe se a se mea e fiafia i ai le Ali‘i.#Roma 12.2 11‘Aua fo‘i tou te amio fa‘atasi ma galuega lē aogā a le pouliuli, ‘ae lelei ‘ona ‘outou ‘aumai ia mea i le malamalama. 12Auā o mea ‘ua faia fa‘alilolilo e i latou, ‘ua matagā lava ‘ona tautalatala i ai. 13A o mea uma lava ‘ua ‘aumai i le malamalama, ‘ua fa‘aalia, o mea uma fo‘i e fa‘aalia, o le malamalama lea. 14O le mea lea ‘ua fai mai ai,#Isai 26.19; 60.1; Roma 13.11; 6.13

“Ala ia oe e moe na,

ma e tula‘i mai i ē ‘ua oti,

‘ona fa‘amalamalama mai lea o Keriso ‘iā te oe.”

15O lenei, ‘ia fa‘aeteete ‘outou ‘ina ‘ia ‘outou sāvavali ma le fa‘autauta, ‘aua ne‘i fa‘apei o ē vālelea, a ‘ia fa‘apei o ē popoto;#Mata 10.16; Kolo 4.5 16‘ia fa‘aaogāina e ‘outou aso o lenei olaga, auā o ona po nei ‘ua leaga. 17O lenei, ‘aua ne‘i fa‘avalea ‘outou, a ‘ia ‘outou iloa le finagalo o le Ali‘i.

18‘Aua fo‘i ne‘i ‘onā ‘outou i le uaina, o le mea e ulavale ai; a ‘ia fa‘atumuina ‘outou i le Agaga.#Fa‘ata 23.31; Luka 21.34 19‘Ia ‘outou fetautalatala‘i i salāmo, ma pese, ma siva fa‘aleagaga, ‘ia fa‘ane‘ene‘e atu ma pepese atu i le Ali‘i i o ‘outou loto. 20‘Ia fa‘afetai pea lava ‘ona o mea uma i le Atua le Tamā, i le suafa o lo tatou Ali‘i o Iesu Keriso.

O le Olaga Fa‘aulugali‘i

21‘Ia usiusita‘i le tasi i le tasi ma le mata‘u ‘iā Keriso.

22O ‘outou fafine, ‘ia ‘outou usiusita‘i ‘iā ‘outou lava tane, fa‘apei ‘ona usiusita‘i i le Ali‘i.#Kene 3.16; Kolo 3.18; 1 Pete 3.1 23Auā o le tane o le ulu ia o le avā, e pei o Keriso fo‘i o le ulu ia o le ekalesia, o ia fo‘i o le Fa‘aola o le tino. 24O lenei, fa‘apei ‘ona usiusita‘i o le ekalesia ‘iā Keriso, ‘ia fa‘apea fo‘i fafine ‘iā latou lava tane i mea uma lava.

25O ‘outou tane, ‘ia ‘outou alolofa atu ‘iā ‘outou lava avā, fa‘apei o Keriso fo‘i ‘ona alofa mai i le ekalesia, ma foa‘iina mai o ia e ia e fai mōna sui.#Kolo 3.19 26‘Ina ‘ia fa‘apa‘iaina ai, ‘ina ‘ua fa‘amamāina i le fa‘atā‘eleina i le vai ‘atoa ma le ‘upu; 27‘ina ‘ia na tu‘uina atu o ia, ‘iā te ia, o le ekalesia matagofie lava, e leai sona ila, po o se ma‘anuminumi, po o se tasi mea fa‘apenā, a ‘ia pa‘ia ma ‘ia lē ponā.#Sala 45.13; 2 Kori 11.2 28O lo‘o fa‘apea ‘ona tatau ‘ona alolofa o tane ‘iā latou lava avā, fa‘apei o latou lava tino; o lē alofa i lana lava avā, o lo‘o alofa o ia ‘iā te ia lava; 29auā e leai lava se tasi e ita i lona lava tino; ‘ae peita‘i na te fafaga ma tausi atu i ai, fa‘apei o le Ali‘i fo‘i ‘ona tausi i le ekalesia, 30auā o itū lava i tatou o lona tino.#Efe 1.23; 1 Kori 6.15; Kene 2.23 31“O le mea lea e tu‘ua ai e le tane o lona tamā ma lona tinā, ‘ae fa‘atasi ma lana avā, ‘ona ‘avea ai lea o i lā‘ua o le tino e tasi.”#Kene 2.24 32O le mea lilo tāua tele lenei; a ‘ou te talaina atu nei e uiga ‘iā Keriso ‘atoa ma le ekalesia.#Fa‘aa 19.17 33A o ‘outou, ‘ia ta‘itasi ‘outou ma alofa i lana lava avā fa‘apei o ia lava ‘iā te ia; o le fafine fo‘i ‘ia āva o ia i lana tane.

Currently Selected:

Efeso 5: RSCB

Highlight

Copy