1 Samuelu 31
31
‘Ua Oti Saulo ma ona Atali‘i i le Tau‘a
(1 No 10.1-12)
1‘Ua tau Filisitia ma Isaraelu; ‘ona sōsōla ai lea o tagata Isaraelu i luma o Filisitia; ‘ua pa‘u‘ū manunu‘a i latou i le mauga o Kilepoa. 2‘Ua tulitatao fo‘i Filisitia ‘iā Saulo ma ona atali‘i; ‘ona fafasi lea e Filisitia ‘iā Ionatana, ma Apinatapa, ma Makisua, o atali‘i ia o Saulo.#1 Samu 14.49; 28.19; 1 No 8.33 3‘Ua mamafa le tau‘a ‘iā Saulo, ‘ua maua atu o ia e tagata fanafana u, ‘ua manu‘a tele fo‘i o ia i ē na fanafana. 4‘Ona fai atu lea o Saulo i lona soātau, “‘Inā tō a‘e ia lau pelu, ma tutu‘i mai ‘iā te a‘u; ne‘i o‘o mai na tagata lē peritomeina, ma latou tutu‘i mai, ma fa‘aleaga mai ‘iā te a‘u.” A ‘ua lē mafai lona soātau, auā ‘ua tele lona fefe; ‘ona tago ai lea o Saulo i le pelu, ma fa‘apa‘ū i ona luga.#Fa‘ama 9.54; 14.3; 15.18; 19.25; 1 Samu 14.6; 26.11; 2 Samu 1.10, 14, 20; 17.23; 1 Tu 16.18; Iere 38.19 5‘Ua va‘ai lona soātau, ‘ua oti Saulo, ‘ona fa‘apa‘ū fo‘i lea o ia i lana pelu, ‘ua oti fo‘i fa‘atasi ma ia. 6O lea na oti ai Saulo, ma ona atali‘i e to‘atolu, ma lona soātau, ‘atoa fo‘i ma ona tagata uma fa‘atasi ma ia i lea aso. 7‘Ua va‘ai tagata Isaraelu sa i le tasi itū o le vanu, ‘atoa ma i latou sa i le tasi itū o Ioritana, ‘ua sōsōla tagata Isaraelu ma ‘ua oti Saulo ma ona atali‘i, ‘ona latou lafoa‘i lea o ‘a‘ai ma sōsōla i latou; ‘ona ō mai lea o Filisitia ‘ua nonofo ai.
8‘Ua o‘o i le taeao ‘ona ō atu lea o Filisitia e tatala ‘ofu o ē na fasia; ‘ona latou maua lea o Saulo ma ona atali‘i e to‘atolu o lo‘o ta‘atitia i le mauga o Kilepoa. 9‘Ona latou vavae lea lona ulu ma tatala ona ‘ofutau, ma ‘ua latou tu‘u savali i le nu‘u o Filisitia, ‘ia fa‘ata‘amilo ona tala‘i i le fale o latou tupua, ‘atoa ma le nu‘u.#Fa‘ama 16.23-24; 1 Samu 17.51; 2 Samu 1.20 10‘Ua latou tu‘u ona ‘ofutau i le fale o Asaira, a o lona tino ‘ua latou fa‘amauina i le pā o Petesani.
11‘Ua fa‘alogo ē ‘ua nonofo i Iapese-Kiliata i le mea ‘ua faia e Filisitia ‘iā Saulo.#Fa‘ama 2.13; 10.6; 1 Samu 11.1-11; 2 Samu 21.12 12‘Ona tula‘i lea o tagata totoa uma, ‘ua sāvavali atu i latou, ‘ua ‘atoa le po; ‘ua latou ‘ave le tino o Saulo ma tino o ona atali‘i nai le pā o Petesani, ‘ona ō atu lea o i latou i Iapese; ‘ona latou susunuina ai lea o i latou. 13A ‘ua ‘ave o latou ivi ma tanu ai i lalo o le la‘au tele i Iapese, ma latou anapopogi ai i aso e fitu.#Kene 50.10; 1 Samu 22.6; 2 Samu 21.14
Currently Selected:
1 Samuelu 31: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.