2 Samuelu O Le Fa‘atomuaga
O Le Fa‘atomuaga
O le lua o tusi a Samuelu, o fa‘amatalaga ma talatu‘u e fa‘atatau i le tupu o Tavita lea sa fa‘au‘u o le tupu o Iuta (1.1-4). O Tavita o le tupu ta‘uta‘ua ma o ia sa ia mafai ‘ona tu‘ufa‘atasia tagata uma i lalo o lana pule fa‘atupu (5-24). Sa mata‘ina lenei ali‘i ‘ona o lona poto e puipui lona nofoāli‘i, i le taui o ona fili e le gata o latou sa tete‘e atu ‘iā te ia i totonu lava o lona pule‘aga fa‘atupu ‘ae sa fa‘apenā fo‘i nu‘u ‘ese sa tu latalata ane i Isaraelu. E fa‘aaloalogia lenei tupu ‘ona o lona olaga tapua‘i moni ma lona fa‘atuatua i le Atua. ‘Ona o le malosi tele o lona fa‘alagolago ma lana talitonuga i le Atua sa faigofie ai e tagata Isaraelu a le tu‘u atu o lo latou fa‘atuatuaga ‘iā te ia. Peita‘i o Tavita e pei lava o tagata uma e i ai fo‘i ona vaivaiga fa‘aletagata lea sa pa‘ū ai o ia i le agasala. ‘Ae o se tagata fo‘i e ma‘eu lona loto maulalo auā a agasala o ia e fa‘asilisili ‘iā te ia le salamō moni ma e loto malie pea o ia e tali so‘o se fa‘asalaga e tu‘uina mai e le Atua ‘iā te ia. Sa tele galuega lelei sa faia e lenei tupu i lona nu‘u, e pei o le ‘aumaia o le ‘atola‘au o le feagaiga i Ierusalema (6.1-23), ‘ae maise lana naunauta‘i na te fa‘atūina se malumalu mo le Ali‘i.
O le Fa‘asologa o Matā‘upu:
O le pule a Tavita i Iuta 1.1—4.12
O le pule a Tavita i Isaraelu ‘atoa 5.1—24.25
a. O tausaga muamua o lana pule 5.1—10.19
e. O Tavita ma Patesepa 11.1—12.25
i. O faigatā ma fa‘afitauli 12.26—20.26
o. O tausaga fa‘ai‘ui‘u 21.1—24.25
Currently Selected:
2 Samuelu O Le Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.