1 Samuelu 29
29
‘Ua lē mafai Filisitia ‘ona latou ō ma Tavita i le Tau‘a
1‘Ua fa‘apotopoto e Filisitia a latou ‘au uma lava i Afeka; a ‘ua tolauapi Isaraelu i le vaipuna o i Isereelu.#Iosu 12.18; 17.16; 1 Samu 4.1; 28.1 2‘Ona ō ane lea o ali‘i Filisitia i le ta‘ito‘aselau ma ta‘ito‘aafe; o Tavita fo‘i ma ona tagata ‘ua mulimuli i latou fa‘atasi ma Akisa. 3‘Ona fai mai lea o ali‘i Filisitia, “A fa‘apefea nei Eperu?”
‘Ona fai atu lea o Akisa i ali‘i Filisitia, “E lē o Tavita ‘ea lenei le ‘au‘auna a Saulo le tupu o Isaraelu? ‘Ua ‘iā te a‘u o ia aso, pe atoa ni tausaga, a ‘ou te lē iloa se mea ‘iā te ia, talu le aso na sola mai ai, e o‘o i lenei lava aso.”#1 Samu 27.7, 12
4A ‘ua ita ali‘i Filisitia ‘iā te ia ‘ua fai atu fo‘i ali‘i Filisitia ‘iā te ia, “‘Ia fa‘afo‘i atu lenā tamaloa, ma ia nofo o ia i le mea ‘ua e tofia ‘iā te ia; ‘aua le alu o ia ma i tatou i le tau‘a, ‘aua ne‘i ‘au ‘ese o ia ‘iā te i tatou i le tau‘a; se a se mea e fa‘alelei a‘i o ia nei ma lona ali‘i, e lē o ulu ‘ea o nei tagata? 5E lē o Tavita ‘ea lenei sa latou lagi fetalia‘i ai ‘iā latou siva, o lo‘o fa‘apea,
‘‘Ua fasia e Saulo ana afe,
a o Tavita ana sefulu o afe?’”#1 Samu 18.7; 21.11
6‘Ona vala‘au lea o Akisa ‘iā Tavita, ‘ua fai atu ‘iā te ia, “O lo‘o soifua le ALI‘I, ‘ua tonu lava oe ma le lelei ‘iā te a‘u i lo tā feoa‘i ma alu i le togālauapi; auā ‘ua ‘ou lē iloa se leaga ‘iā te oe talu le aso na e sau ai ‘iā te a‘u, ‘ua o‘o i lenei aso. A ‘ua e lē lelei i manatu o ali‘i.#1 Samu 20.3 7O lenei, ‘inā fo‘i ia, ma e alu ma le manuia, ‘ina ne‘i e faia se mea leaga i luma o ali‘i Filisitia.”
8‘Ona fai mai lea o Tavita ‘iā Akisa, “Se a se mea ‘ua ‘ou faia? Se a fo‘i se mea ‘ua e silafia i lau ‘au‘auna talu le aso na ‘ou i ai i ou luma e o‘o i lenei aso, a a‘u le alu atu ai e tau ma fili o lo‘u ali‘i le tupu?”
9‘Ua tali atu Akisa, ‘ua fa‘apea atu ‘iā Tavita, “‘Ua ‘ou iloa, ‘ua lelei oe ‘iā te a‘u pei o se agelu a le Atua; a o ali‘i Filisitia, ‘ua latou fai mai, ‘E lē alu a‘e o ia ma i matou i le tau‘a.’#2 Samu 14.17, 20; 19.27 10O lenei, ‘ia tula‘i i le taeao, o oe ma ‘au‘auna a lou ali‘i ‘ua ō mai ma oe, ‘ia ‘outou ala usu i le malama a‘e o le taeao, ma ‘ia ‘outou ō.”#1 No 12.19
11‘Ua tula‘i Tavita, o ia ma ona tagata, e ala usu i le taeao, o le a fo‘i atu i le nu‘u o Filisitia; a o Filisitia ‘ua ō a‘e i latou i Isereelu.
Currently Selected:
1 Samuelu 29: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
