KI 98
98
God ki marungia na maveta
1Mu kiria na Araha igê na ki haoru,
suria ngaia ki bani tanugi na mena.
Ngaia getea renia na raramohana raha marena,
tahema ngaia ki teha.
2Na Araha ki tarohenia, vi ngaia ki teha.
Ngaia ki hagagirarara na enoni hato i maveta
renia na raramohana ni tahinga.
3Ngaia ki hagamonaria na suruha iana tangara na Isiraelita,
suria ngaia ki toto surira ma ki takuira tare.
Na enoni hato i maveta hagenani ka bani girara,
vi God iaka ki teha.
4Maveta hagenani, mu ki vagevagesia na Araha!
Mu kiria kamu visia raha,
ma kamu ngerengere vagevage!
5Mu kiria ma kamu hagarahasia na Araha.
Mu tarugigi na gita iami!
6Mu uhigi na ahuri ma na êhihi ma kamu ngerengere,
suria mu vagevagesia na Araha, i marungigia.
7Asi ma na ega hato igê, mu ngere vagevage!
Mu kiki, igamu na maveta ma na marâ hato igê.
8Igamu hato na ve, mu hitahita baro!
Igamu hato na hungani, mu kiki haku,
kamu vagevagesia na Araha.
9Renia na Araha ki sugi râ me noga,
ki marungia na maveta.
Ngaia ki page surira na enoni hato i maveta
igê na otoha ma na monariha.
Currently Selected:
KI 98: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
