KI 97
97
God na Araha ki marungia na maveta hagenani
1Na Araha ki marungia na maveta hagenani.
Maveta, mu vagevage!
Ma igamu na marê i asi, mu obakoro!
2Na vaha ma na roto hono ka rihia na Araha.
Ngaia ki marungira na enoni
igê na monariha ma na otoha.
3Na gi raha ki hagenago tarana na Araha,
ma ki ngaura na merongana, ga rihia.
4Na marangea iana ka mavesia na ano.
Na maveta ki bâsia ma ki tata.
5Na hungani ka rono i maana na Araha,
i maana na Araha, i avanuna na maveta hagenani.
6Na vavearo ma na bevoa tatara ka tarohenia na otohana,
ma na enoni hato i maveta ka rigia na raramohana raha.
7Ka maki na enoni, ga vogasira na ataro.
Na ataro hato ka bêrusu i maana na Araha.
8Na kare ni Sione ka rongoa ma ka obakoro,
ma na hinua raha i Juta ka vagevage
renigi na suruha iamu, Araha.
9God raramohaga hunigo,
igo ko marungia na maveta hagenani.
Igo ko teharira ngavê na ataro hato.
10Na Araha ki takuira na enoni, ga kitenigi na eraha.
Ngaia ki marupegi na ogaha iata na kariana,
ma ki hagatahira tenigi na raramohata na enoni era.
11Na marara ki mavesira na enoni, ga oto na tauhata,
ma na vagevageha ki hagakoro obata na enoni, ga koro.
12Igamu hato na enoni, mu koro ma oto,
mu vagevage renigi na tagaraha iana na Araha,
Mu takusigi na tauhana God apuna,
ma kamu visia koro renigi.
Currently Selected:
KI 97: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
