KI 99
99
Visia raha God na Araha i teha
1Na Araha ki marungia na maveta hagenani,#Ex 25.22
ma na enoni hato ka magu ma ka tata.
Ngaia ki oga so igê na atohana
i avorata na marâ, ga tonga na gagahata,
ma na maveta ki gisigisi.
2Na Araha ki raramohaga i Sione.
Ngaia ki teharira na enoni hato i maveta.
3Na enoni hato ka page kasia akê.
Ngaia ki bâ haneaga ma ki rongo raha na atana.
Mu rahesia!
4Araha raramohaga hunigo,
igo ko vagevagesigi na otoha.
Igo ko vatera na Isiraelita na ramata
henigi na otoha ma na monariha.
5Mu hagarahasia na Araha God iaka!
Mu bêrusu i maana!
Mu rahesia!
6O Moise mo Aroni ka na mane ni hagarahenga iana.
Mo Samuele ki rahesia.
Ngaira ka avarasia na Araha,
ma ngaia ki aganarira.
7Ngaia ki tamasi tangara tenia na u na vaha.#Ex 33.9
Ngaira ka marupegi na tamasinge ma na ramata,
i bani vatera.
8Araha God iamami,
igo ko aganarigi na nunginungi iata na kariamu.
Igo ko hagagirarara,
vi igo ki na God, go bonotenigi na tasi iata,
henaka go hagaitangira renigi.
9Mu hagarahasia na Araha God iaka!
Mu vogasia igê na hungana apuna iana.
Mu rahesia na Araha God iaka!
Currently Selected:
KI 99: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
