KI 96
96
God na Araha i teha
(1 Sihonga 16.23-33)
1Mu kiria na Araha igê na ki haoru.
Maveta hagenani, mu kiria na Araha!
2Mu kiria na Araha ma kamu hagarahasia.
I na ara ni tangiani mu tarohenia,
vi ngaia ki bani hagatahigia.
3Mu tarohenia na raramohana raha
tangara na enoni hato i maveta.
Mu tarohenigi na tagaraha raha iana
tangara na enoni hatohato.
4Na Araha ki teha.
Ki tuguhigia, ga hagarahasia bâraha
ma ka magutenia teharira na ataro hato.
5Na ataro iata na enoni getera hato ka na marâ purua.
Ma na Araha ki hagavoragi na vavearo ma na bevoa tatara.
6Na Araha ki bâ hanetaga ma ki bagararaha.
Na raramohana ma na bâkorohana
karu raro i Ruma ni Rotu iana.
7Igamu hato na enoni i maveta, mu hagarahasia na Araha,#Ps 29.1-2
ma kamu hagahigasigi na bâbâhana ma na raramohana.
8Mu hanitasia na Araha, i rongo raha na atana.
Mu bêbanu i Ruma ni Rotu iana ma kamu vogasia.
9Mu rahesia maninga God na Araha.
Maveta hagenani, mu haneava renia.
10Mu hagarongora na enoni hato i maveta,
vi God ki Araha, i teha.
Ngaia ki naka na maveta ki nganganihaga igê na atohana,
ma ki asa, vige guru râ tenia.
Ngaia ki page surira na enoni hato
igê na otoha.
11Na ano ma na vavearo, muru obakoro!
Na asi ma na ega hato igê, mu ngere vagevage!
12Mu ma na ngêra igê, mu ageage!
Na apinige i bemu ka page ngere vagevage
13i maana na Araha, matena i arâ me,
ki marungia na maveta.
Ngaia ki page surira na enoni hato i maveta
igê na otoha ma na monariha.
Currently Selected:
KI 96: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
