KI 95
95
Visia raha na Araha ma tê viteana
1Nika, ge visia raha na Araha!
ge ngere vagevagesia God, i anumasigia!
2Ge rotu i maana ma ke visia koro,
ma ke kiria ma ke hagarahasia.
3Renia na Araha ki God raramohaga hunia.
Ngaia ki Araha raramohaga hunia
teharira na ara ni ataro hato.
4Ngaia ki marungigi na maveta hagenani
ma na rutuni i asi ma na barani.
5Ngaia ki marungia na asi, i hagavora,
ma na ano nikâ, i tagarahia ngaia marena.
6Nika, ge bêrusu ma ke rahesia!
Ke susure i maana na Araha, i hagavoragia.
7Ngaia ki na God iaka.#He 3.7-11
Igia ka na enoni, i marupegia,#He 3.15; 4.7
na totoha na sipi, i bâbâsurigia.
Mu karingagi na tamasinga iana,
ma kamu têtê viteana.
8Ngaia ki vi: “Siana mu togeaga#Ex 17.1-7; Nu 20.2-13
mangara na uvarimi i Meriba,
se i Masa igê na bagamanihê raha.
9I ngekana ngaira ka uhungiê ma ka garigariê,
he naka ngaira ka bani bâsigi na mena iaku.
10Inê kê kitenira ngavê na enoni ngegana
surigi na harisi tangahuru ge he agê.
Inê kê vi tangara, kê vi: ‘Igamu kamu haritohe bâraha.
Igamu kamu usi ni têgi na ramata iaku.’
11Inê kê mangariaga ma kê tohe,#Nu 14.20-23; D 1.34-36; He 4.3, 5; Dt 12.9-10
vi: ‘I asa iami, vigamu page banu i na agua ni suruha,
gê obania, vigê hagamamarogamu igê.’”
Currently Selected:
KI 95: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
