KI 85
85
Nungi ni marapeha#Na ki iata na raraha iana o Kora.
1Araha, igo ko bani takuia na apanena iamu.
Igo ko bani katora na Isiraelita
ka oga aporo igê na ramana.
2Igo ko bani bonotenigi na tasi iata na kariamu,
ma ko bani tananigi vê na ginota era.
3Igo ki hato, vigu mangariaga tangara,
ma ko bani munia so na mangariaganiha raha iamu.
4God tahingamami, gu hagaporosigami.
Siana ki era na obamu tangagami.
5Igo ko ama ni mangariaga nga vari tangagami tare?
Na mangariaganiha iamu vari ki asa, vige page hato?
6Gu hagamaurigami, na kariamu,
hanana igami kami hagarahasigo.
7Araha, gu hagagiraragami, vi igo ko takuigami tare,
ma ku tamanigami, hanana mi tahitahi.
8Inê kê karinga God na Araha, i tamasi.
Ngaia ki surua na marapeha tangagia na kariana,
manga vi igia ma ka marupegi na ramata iana.
9I monari, ngaia ki nanê,
hanana i hagatahira na enoni, ga hagahigasia.
Na Araha raramohaga hunia ki page goga i pasimami tare,
hanana i anumasigami tare, ki bê ki arâ.
10Na hetakuiha tarema ma na totohesuringa
karu page hetarahu.
Na otoha ma na marapeha
karu page heroro.
11Na totohesuringa iata na enoni
ki page akê me tenia na ano.
Ma na otoha iana God na Araha
ki page so me tenia na vavearo.
12Na Araha ki page vategia na ramana,
ma na mu iaka ka page ganora bâraha.
13Na otoha ki hagenago tarana na Araha,
hanana i hagarêa na tara tanga.
Currently Selected:
KI 85: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
