KI 84
84
Na ki ni banu i Ruma ni Rotu#Na ki iata na raraha iana o Kora.
1God Araha raramohaga hunigo,
na Ruma ni Rotu iamu ki bâ hagavagevage tangê.
2E, ê obania bâraha be goga i ngekana;
ê barigia be oga i Ruma ni Rotu iana na Araha.
I mêrihaku hagenani inê kê vagevagesia na Araha,
i votoa na morana na mauriha.
3Na gapagapêsu nikâ ka bani tagarahigi na robota igê
ma na ririgape nogata.
Na kareta ka oga igê na robota
hagarangia na bea ni vogasiha.
God raramohaga hunigo,
igo ki na Araha iaku ma na God iaku.
4Ga babarisi na enoni, ga oga i Ruma ni Rotu iamu.
Ngaira ka kirigo ma ka hagarahasigo tare.
5Ga babarisi na enoni, ga rukuruku i pasimu,
hanana go anumasira.
Ga babarisi na enoni, ga agana ga tavoraha i Sione,
hanana ga rahesigo i ngekana.
6Matena ga aharêvoro igê na maroguna i Baka,
na Araha ki katogi ka vora me na ve karu
i na agua na ve ka mareha rârâ igê.
7Matena ga arâ i tara,
ngaira ka ama ni ape mamêriga nga.
Ngaira ka page ata i Sione i maamu,
God raha teha, go teharira na ataro.
8God raramohaga hunigo, gu aganarigi na nunginungi iaku.
Gu karingê, God, o Jakobo ki rahesigo.
9God, gu korokoro tanga na ani, i anumasigami.
Gu takuia na ani, go bani monea, ki maneraha.
10Na tangiana gi tage i rarona na Ruma ni Rotu iamu
ki koro ngavê
teharigi na rehagaro na tangiani i tagua.
Inê kê ura hete i metara i maani ruma iana God iaku
teharia gê oga i pasita na enoni era.
11Na Araha ki bêngenigia manga na arito.
Ngaia ki anumasigia manga na bêata,
ki mahata tangagia ma ki kasigia akê.
Na Araha ki pe marakorotenigi na ani ma na marâ koro
tangara na enoni, ga koro ma ka oto i maana.
12God raramohaga hunigo,
ga babarisi na enoni, ga hagêguri togo renigo.
Currently Selected:
KI 84: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
