KI 86
86
Avarasia God#Na nunginungi iana o Tavite.
1Araha, gu karingê ma ku aganariê,
suria inê kê makumakusiga.
Ma inê kê pe tarahua na hetamaniha
igê na mamasiaganiha iaku.
2Gu hagatahiê tenia na mera,
suria inê kê toto surigo
Gu hagatahiê, suria inê ki na kariamu
ma kê hagêguri togo renigo.
3Gu takuiê, suria igo ki na God iaku.
Inê kê avarasigo i na ara ni tangiani.
4Araha, gu hagakoro obaku, na kariamu,
suria gê rahesigo tare.
5Igo ko korokoro tangagami
ma ko bonotenigi na tasi iamami.
Igo ko takuira tare na enoni,
ga rahesigo.
6Araha, gu aganaria na nunginungi iaku.
Gu tamaniê, suria gê avarasigo.
7Inê kê avarasigo igê na mateni na bagabevoani,
suria igo ko aganarigi na nunginungi iaku.
8Araha God, i pe goga na ani, vige maratoramu,
ma ka pe oga na tagaraha raha,
vige maratorani na animu.
9Na enoni hatohato, go bani hagavorara,#Rev 15.4
ka page arâ me ka bêrusu i maamu,
ma ka page kasia akê na raramohamu raha.
10Igo ko raramohaga hunigo ma ko tanugi na mena.
Igo getego nga ko God monari.
11Araha, gu hagesuriê renigi na obaniha iamu tangê,
hanana gê page têtê viteamu bâkoro.
Gu katoê, be obahaku henigo,
hanana ve tagara tangago
i mêrihaku hagenani.
12Inê be visigo raha ngavê, Araha God iaku.
Inê be hagahigasia tare na atamu,
i rongo raha.
13Na takuiha tarema iamu tangê ki teha ngavê,
suria go bani hagatahiê tenia na matahu.
14God, na enoni paroparo ka merongasiê.
Ngaira ka hagamamasiaga apeta na enoni.
Ngaira ka rapasiê, viga nahuiê kê meme,
ma ka guguruga tangago.
15Araha, igo ki na God, go takuira na enoni
ma ko korokoro tangara.
Igo ko piringiape tare.
Karu raha teha na takuiha tarema iamu
ma na totosuringa iamu.
16Gu ahariê ma ku takuiê,
ma ku hagaramoniê.
Gu hagatahiê na kariamu,
suria gê tê viteamu,
manga i bani kato na kenaku.
17Araha, gu hagatanga monari,
vi igo ko takuiê.
Vikê ka maki na enoni, ga merongasiê,
suria go tamaniê ma ko kanukanuê.
Currently Selected:
KI 86: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
