KI 76
76
God ki teha#Na vivita ma na ki iana o Asapa.
1Na ai ni Juta ka aitangisia God na Araha.
Ma na Isiraelita ka hagarahasia.
2I pasina i Jerusaleme
God ki goga igê na hungana i Sione.
3I ngekana ngaia ki barubarugigi na tangaruha hato,
na mage, na bêata ma na tatapa borahu iata na merongana.
4God, igo ko bagararaha teha!
Igo ko bâ hahanetaga ngavê teharira na merongamu,
go nahuira igê na hungani.
5Igo ko henahuraugi na ara ni marâ hato
tenira na mane ni me ramo iata.
Naka ma ngaira ka ramo
ma ka aitangisia na hearihatana,
ma ngaira ka bani magahuru noga.
6Igo God, ga rahesigo na raraha iana o Jakobo,
matena go ramonira na hosi ma na mane, ga tagirigi,
ngaira ka vota ka me hunu.
7Ma igo, Araha, ga magutenigo bâraha na enoni hato.
Matena go mangariaga,
ki bara na enoni, vige tarari i maamu.
8Tenia na atohamu igo ko surira na enoni i maveta.
Ngaira ka magu ma ka manamanapuaga.
9Igo ko râ me ko surira na enoni,
hanana go hagatahira na enoni i maveta,
ga hatamigi na mamasiaganiha.
10Igo ko hatungigi na raramohata na enoni, ga urapusigo,
ma na hitangita, ga tahitahi mêngara,
ka page têtê viteamu.
11Igamu hato na agua hagarangia i Juta,
mu hagamonarigi na suruha iami
tanga na Araha God iami.
Igamu kamu mahata tanga God na Araha,
i tuguhira na enoni, viga magutenia.
12Ngaia ki kasira so na enoni raha,
ga hagarahasira mareta,
ma ki haganunura na maneraha.
Currently Selected:
KI 76: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
