KI 75
75
God ki surira na enoni hato#Na vivita ma na ki iana o Asapa.
1God, igami kami visigo koro bâraha renigi na korohamu.
Igami kami hagarahasigo,
ma kami tarohenigi na mena iamu.
2God ki vi: “Inê kê bani naka na matena tanga na suriha
ma kê page surira maninga na enoni.
3Naka ma i gisigisi na maveta ma ka tatata na enoni,
inê be têa gatagata na gatana.
4Inê kê vi tangara na enoni era,
siana ka heruruhi,
5ma siana ka tamasi paroparo.”
6Tenia i kerekê se kereso ki pe râ me igê na suriha,
se tenia i kere taha se kere banu.
7Ngaia nga God ki surira na enoni:
tani ki hagaitangira,
ma tani ki surira koro.
8Na Araha ki têa i rimana na kâkâ,
i vunu renia na vaini na mangariaganiha iana.
Ngaia ki ringia,
ma na enoni hato ka tonomia.
Ngaira ka tono hagamataria.
9Ma tangê inê, inê kê ama ni tarohenia nga
kê kiria na God, o Jakobo ki rahesia.
10Ngaia ki page hatungia na raramohata na enoni era,
ma ki page hagaraha na raramohata na ani
ga tê viteana.
Currently Selected:
KI 75: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
