KI 6
6
Na nunginungi igê na mateni ni mamasiaganiha#Na ki iana o Tavite.
1Araha, siana ko mangariaga,#Ps 38.1.
ma siana ko ramoniê.
Siana ko hagaitangiê
igê na mangariaganiha iamu.
2I meme ngavê na apeku!
Gu takuiê, Araha!
I mangusi ngavê na apeku!
Gu hagaramoniê!
3I anumanuma ngavê na aitangihaku.
I na keta, Araha, ko tamaniê igê?
4U râ me, Araha, ma ku hagatahiê!
Gu takuiê, ma ku hagatahiê tenia na mera.
5Igê na agua, ga oga igê na enoni, ga bani me noga,
ki asa iata, vige takusigo se vige rahesigo.
6I mangusi na apeku,
ma inê kê gegege bâraha.
Na banaku ki voka
renigi na tavoni na maaku
i na ara ni bungiani.
Ki vokavoka na bêbê iaku,
suria gê angiangi raha.
7Karu mamanu na maaku,
ma ki kere bara ve bâbâ.
Suria na merongaku
ka katoê, kê angiangi.
8Igamu na enoni era mu râ vê teniê.#Mt 7.23; Lk 13.27.
9Na Araha ki rongoa na angiha iaku.
Ngaia ki aganariê, matena gê avarasia.
Ngaia ki page aganaria na nunginungi iaku.
10Na merongaku ka page maki,
suria ga pe tehariê.
Ngaira ka page gavagava,
suria ga gasuga ni anumanuma.
Currently Selected:
KI 6: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
