KI 5
5
Na nunginungi ni mavoraro#Na ki iana o Tavite.
1Araha, gu rongogi na viteaku,
ma ku karingagi na tamasinga iaku.
2Araha God, gu aganaria na nunginungi iaku,
matena gê avarasigo.
Inê kê rahesigo, Araha.
3I mavoraro igo ko rongoa na viteaku.
Igê na mahogotana inê kê vogasigo,
ma kê naasia na aramiha iamu.
4Igo nga na God, go ngaritenigi na tasi,
ma ko usitenigi na eraha.
5Igo ko marakorotenira na enoni paroparo,
ma ko kitenira na enoni era hato.
6Igo ko nahuira ngavê
na enoni ni hagaparunga.
Igo ko bâ so renira na enoni,
ga henahu ma ka hagahagaparu.
7Ma renia igo ko takuiê ngavê,
inê kê girara gê rahesigo
i ruma apuna iamu.
Inê kê bêtuhigo ma kê hagahigasigo
i ruma ni rotu iamu.
8Araha, na merongaku ka rako teha!
Gu hagaotoê, be tanugi na obaniha iamu.
Gu mavesia na obaku renigi na katoha iamu,
hanana gê arâ surigi.
9Ki pearari, vige tongesurigi na marâ,#Ro 3.13.
ga visigi na merongaku.
Ngaira ka takusigi ma na eraha,
ma ka banagi na tamasinga iata.
Ngaira ka nakanaka bêta bâraha,
ma na hagaparunga iata
ka erasira ngavê na enoni.
10God, gu hagaitangira,
suria ngaira ka erataga.
Gu katora, ka tutu mareta
igê na hagaparunga iata.
Gu paira hura tenigo,
suria ngaira ka tasi ngavê,
ma ka urapusigo.
11Na enoni hato, ga tarahua na tahinga i pasimu,
ngaira ka page obakoro.
Ngaira ka page kiki tangago,
suria ga vagevage ngavê.
12Araha, igo ko korokoro tangara na enoni,
ga têtê viteamu.
Igo ko takuira ma ko anumasira
manga na bêata.
Currently Selected:
KI 5: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
