KI 7
7
Na nunginungi ni otoha#Na angiha maramara o Tavite ki kiria tanga God renia na tamasinga iana o Kusu, na raraha iana o Benamino.
1Araha, God iaku, inê kê gava vê i pasimu,
hanana go anumasiê.
Gu hagatahiê tenira na enoni, ga tavogeniê.
Gu marungiê tenira na merongaku.
2Ngaira ka mangara na o vasiga.
I era ma, ka oke babaheniê.
Ngaira ka nanê, viga ngasiê.
Ma ti ki page hagatahiê?
3Araha, God iaku, manga inê
ma be erasia ta na enoni.
4Manga inê, ma be barua na korohana na tamaku
renia na eraha.
Manga inê, ma be hanago tenia na merongaku,
ma be tasi renia.
5Vikana ke koro ma, vi na merongaku ke tavogeniê,
ma ke hagatotongoê ma ke tauê.
Vikana ke koro ma, vige puriê rârâ, be me i ano,
ma ke paniê so i ano.
6Araha, u râ me
igê na mangariaganiha iamu.
Gu urapusira na merongaku,
ga mangariaga ngavê.
God iaku, gu tamaniê.
Gu hagakotira,
hanana i voravora me na otoha.
7Gu hagahakura rihigo na enoni hato i maveta,
ma ku marungira tenia na atohamu i haha.
8Araha, gu surira na enoni hato i maveta.
Gu suriê koro inê.
Suria go bani girara,
vi inê kê pe aharê rârâ.
9God, igo ko koro ma oto.#Rev 2.23.
Igo ko surigi na takotako ma na obaniha iamami.
Gu hagabungira na enoni era,
ma ku hagaramonira na enoni koro.
10God ki anumasiê tare,
ma ki hagatahira na enoni,
ga tê viteana.
11Na suriha iana God ka koro ma oto tare.
Ngaia ki hagaitangira tare na enoni era.
12Manga ngaira, ma ka pe urusi parongata,
God ki page ratea na tatapa raha iana.
Ngaia ki bani rohea na epage iana.
13Ngaia ki tangaru,
ma ki nanê ni henahu.
Ngaia ki okegi na mage giga
ma ki usira na enoni era.
14Bâsira na enoni tasi.
Ngaira ka takusigi ma na eraha.
Ngaira ka heboroge i obata na eratani,
ma ka hagavoregi na hagaparunga.
15Ngaira ka sutasuta karira na enoni getera,
ma ngaira mareta ka votavota igê.
16Na eraha iata ka apariri bê aporo
tangara mareta.
Na mamasiaganiha, ga katogi tangara na enoni getera,
ka apariri bê aporo tangara mareta.
17Inê be visia koro na Araha
renia na otohana.
Inê be visia raha na Araha, i teha,
renigi na ki iaku.
Currently Selected:
KI 7: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
