KI 4
4
Avarasia God i manurahi#Na ki iana o Tavite.
1God, gu aganaria na nunginungi iaku,
suria igo ko anumasiê tare.
Matena ga tarahuê na eraha,
igo ko tamaniê.
Gu takuiê i ngekê,
ma ku aganaria na nunginungi iaku.
2Igamu na enoni, i arihu manga i he,
igamu kamu ama ni guhariê nga?
Igamu na enoni, i arihu manga i he,
igamu kamu ama ni tamasi erasiê nga?
Igamu kamu hagaerasiê purua ma
renigi na hagaparunga, ga angarigamu.
3Igamu na enoni, mu takotako maninga.
Na Araha ki bani atera tanga marena
na enoni, ga koro ma ka oto i maana.
Ma ngaia ki aganaria na nunginungi iaku,
matena gê avarasia.
4Mu magutenia na Araha,#Eph 4.26.
ma siana kamu tasitasi nikâ.
Mu takotako maninga renia na tarana ngekê,
matena mu tâtâ munimuni i banami.
5Mu avarasia na Araha
igê na tarani, ga oto.
Mu rahesia na Araha,
ma kamu hagêguri togo renia.
6Rako na enoni ka nunginungi, ka vivi:
“Araha, go ama ni korokoro nga tangagami.
Gu takuigami, Araha,
ma ku aharigami.”
7Igo ko bani hagakoro obaku
teharira na enoni,
ga nahunigi rako na ngêra ma na vaini.
8Matena gê tâtâ igê na banaku,
inê kê marape ma kê mauru.
Suria igo getego, Araha,
ko anumasiê koro teha ngavê.
Currently Selected:
KI 4: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
