KI 3
3
Avarasia God i mavoraro#Na ki iana o Tavite, matena i bani gavatenia o Abasalome na karena. #
1Ga rako era na merongaku, Araha!
Ma ka rako era na ani, ga urapusiê.
2Ngaira ka tamasiê ma ka visiê,
ka vi: “God ki asa, vige tamania.”
3Ma igo, Araha, ko manga na bêata tangê,
suria go anumasiê tenigi na eraha.
Igo ko katoê kê teharira na merongaku,
ma ko hagaramoniê ngavê.
4Inê kê avarasia na Araha,
ma tenia na hungana apuna iana
ngaia ki aganariê.
5Inê kê tâ kê mauru i bea
ma na Araha ki anumasiê bâkoro
suria na bungiana hagenani.
6Inê kê pe magutenira
na rehagaro na merongaku,
ga oga rihiê.
7Araha, u râ me!
God, gu hagatahiê!
Igo ku bahitarira na merongaku hato,
ma ko huhurigi na rivota,
hanana siana ka erasiê.
8Igo getego ma, Araha,
ko girara go hagatahira na enoni.
Araha, gu tamanira na kariamu,
ma ku korokoro tangara.
Currently Selected:
KI 3: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
